"Benfika" ustozi Messisiz "Barselona" haqida nimalar dedi?

"Barselona" haligacha Evropaning eng yaxshi jamoalaridan biri bo'lib, juda yuqori saviyada o'ynaydi. Ularda Messi yo'q, lekin ular baribir juda kuchli.

Agar menga dunyoning istalgan jamoasi Messi bilan kuchliroq bo'ladi deb aytsangiz, bunga hech qanday shubha yo'q, deb javob beraman. "Barselona" faqat bitta uchrashuvda mag'lub bo'ldi – "Bavariya" ga qarshi o'yinda.

"Barsa" - bu CHempionlar ligasida g'alaba qozonishni maqsad qilgan juda kuchli jamoa. Boshqa raqiblar ham bor, jumladan, "Bavariya". "Barselona" Messining ketishi evaziga o'z saviyasini keskin yo'qotadigan klub emas.

Ular Messiga ega bo'lsa-da, "Bavariya"ga 2: 8 hisobida yutqazishgan", – deydi portugaliyalik mutaxassis.

CHempionlar ligasi guruh bosqichi 2-turidan o'rin olgan "Benfika" – "Barselona" uchrashuvi ertaga, 29 sentyabr kuni bo'lib o'tadi. Uchrashuvning boshlanish vaqti – 23:59.