Belgiya EVROda, Rossiyaga yarim qadam kerak
11 okt 2019 14:36
Yangiliklar
![](https://championat.asia/upload/storage/522984_original.jpg)
![](/upload/storage/522984_220.jpg)
Belgiya EVROda, Rossiyaga yarim qadam kerak
Ushbu bahslar natijasi va guruhdagi holat haqida to'xtalib o'tamiz.
"C" guruhi
Gollandiya - SHimoliy Irlandiya 3:1
Gollandiya terma jamoasi so'nggi daqiqalarda kambek amalga oshirib, turnir jadvalida etakchilik qilayotgan Germaniya va SHimoliy Irlandiyaga etib oldi. Irlandiyaliklar Josh Majennisning goli orqali 75-daqiqada uchrashuvdagi hisobni ochishdi, biroq bahs yakunida mezbonlar o'zini ko'rsatishdi. Depay besh daqiqadan so'ng o'rtadagi muvozanatni tikladi, keyin Lyuk de Yong o'z jamoasini hisobda oldinga olib chiqdi. Asosiy vaqtga qo'shib berilgan daqiqalarda yana o'sha Memfis uchrashuvga nuqta qo'ydi.
Belarus - Estoniya 0:0
Bahs mehmonlar sardori Konstantin Vasilevning ustunni nishonga olishi bilan boshlandi. Tanaffusdan so'ng mezbonlar kuchliroq ko'rindi, ammo Sergey Lempets ikki marta Stanislav Dragunning xavfli zarbasini qaytarishga muvaffaq bo'ldi. Estoniyaliklar bu bosqichda birinchi ochkoni ishlab olishdi, belaruslar esa EVROga saralash bahslari orqali chiqishga urinib ko'rishadi.
"E" guruhi
Xorvatiya - Vengriya 3:0
Vengrlarni taslim qilgan Xorvatiya eng yaqin taqibchisidan 3 ochkoga o'tib ketdi. Hisobni Luka Modrich ochdi, keyin Bruno Petkovich o'z hisobiga ikkita gol yozdirib qo'ydi. Mehmonlar safida Laslo Klyaynxayslerning chetlatilishi o'yin oxirida xorvatlar xotirjam o'ynashiga imkon berdi, Ivan Perishich esa penaltini golga aylantira olmadi.
Slovakiya - Uels 1:1
Ikkinchi o'rinda ketayotgan Slovakiya 4-o'rindagi Uels bilan 3 ochkolik farqni saqlab qoldi. Birinchi bo'lim va ikkinchi taymning boshida mehmonlar ustunlik qilishdi. Garet Beyl to'sinni nishonga oldi, Kiffer Mur esa 25-daqiqada o'zining milliy jamoadagi dastlabki golini urib, uelsliklarni hisobda oldinga olib chiqdi. 53-daqiqada mehmonlarning umidini Yuray Kucka yo'qqa chiqardi.
"G" guruhi
Latviya - Polsha 0:3
Robert Levandovski Rigada terma jamoa safida xet-trik qayd etib, polshaliklarning ishonchli g'alabasini taminladi. Birinchi ikkita gol uchun 13 daqiqa kerak bo'ldi, uchinchi gol bahsning oxirida urildi. Polshaliklar guruhda etakchilik qilmoqda va ular yakshanba kuni EVRO masalasini ijobiy hal qilishlari mumkin, Latviya esa hali ham ochko ololgani yo'q.
Avstriya - Isroil 3:1
Avstriya irodali g'alabaga erishib, ikkinchi o'ringa ko'tarilib oldi. Eran Zaxavi saralashdagi o'zining 10-golini kiritishga muvaffaq bo'ldi, biroq Valentino Lazaro tanaffusdan oldin hisobni tenglashtirdi. Ikkinchi bo'limda Martin Xinteregger va Marsel Zabitcerlar raqib darvozasini ishg'ol qilishdi.
SHimoliy Makedoniya - Sloveniya 2:1
Elif Elmasning ikkita goli mezbonlarga g'alaba keltirdi va makedoniyaliklar 3-o'rindagi sloveniyaliklarga etib oldi. Sloveniya terma jamoasining yagona goliga Yosip Ilichich mualliflik qildi.
"I" guruhi
Belgiya - San-Marino 9:0
Belgiyaliklar javobsiz 9ta gol urib, birinchilardan bo'lib EVRO-2020 yo'llanmasini hal qildi. Romelu Lukaku o'z hisobiga 2ta gol yozdirib qo'ydi va milliy jamoadagi gollari sonini 51taga etkazdi. Kristian Brolli avtogol muallifiga aylandi, qolgan gollar esa Nosir SHodli, Tobi Alderveyreld, Yuri Tilemans, Kristian Benteke, Yari Versxaren va Timoti Kastane hisobiga yozildi.
Rossiya - SHotlandiya 4:0
Rossiya EVRO-2020 masalasini hal qilish uchun yakshanba kuni Kipr bilan kamida durang o'ynashi kerak. "Lujniki"dagi dastlabki gol 57-daqiqada urildi. Artyom Dzyuba qiyinchilik bilan bo'lsada o'z jamoasining birinchi goliga mualliflik qildi. Magomed Ozdoev tezlik bilan hisobni 2:0 ko'rinishiga keltirdi, keyin Dzyuba o'zining ikkinchi golini urdi. Uchrashuvga nuqtani Aleksandr Golovin qo'ydi. SHotlandiya EVRO-2020ga chiqish imkoniyatiga ega, biroq buning uchun guruhda 3-o'rinni egallab, saralash uchrashuvlarida g'alaba qozonish kerak.
Qozog'iston - Kipr 1:2
Birinchi bo'limda Temirlan Erlanov goli evaziga qozog'istonliklar hisobda oldinga chiqib olishdi, ammo tanaffusdan so'ng o'yin surati o'zgardi. Kiprliklar faolroq harakat qilishni boshlashdi va Pieros Sotiriu hisobni tenglashtirdi. Uchrashuv masalasini hal qilgan gol 84-daqiqada Nikolas Yannu tomonidan urildi. Qozog'istonliklar EVRO-2020da ishtirok etish imkoniyatidan ayrilishdi.
O’xshash yangiliklar
![AMP Logo](https://championat.asia/image/logo-amp.png)
Fikrlar