Bekxemning afsonaviy zarbasini takrorlagan o'zbegim! FOTOMAQOLA

"B" guruhidan o'rin olgan O'zbekiston chempioni Toshkentning "Lokomotiv" klubi kecha o'z maydonida BAAning "Al Vahda" jamoasini qabul qildi. "Lokomotiv" stadionida o'tgan bellashuvda "temiryo'lchilar" o'zbek futboli muxlislarini xursand qilishdi va 5:0 hisobida g'alaba qozonishdi.

Quyida kechagi supermatchga bag'ishlangan fotomaqolani etiboringizga havola etamiz.

"Al Vahda"ning boshlang'ich tarkibi.

"Lokomotiv" boshlang'ich tarkibi.

Uchrashuvni bevosita stadiondan kuzatish uchun "Buxoro" bosh murabbiyi Ulug'bek Baqoev ham tashrif buyurdi.

"Lokomotiv"ning braziliyalik legioneri Nivaldo garchi 36 daqiqagina o'ynagan bo'lsada, yaxshi taassurot qoldirdi.

Kecha SHuhrat Muhammadiev bir necha bor o'z qanotidan hujumga o'tib raqiblaridan qochib ketdi va ikkita golga assistentlik qildi. Ayniqsa, Ikrom Aliboev bosh bilan ikkinchi golini urgan vaziyatda SHuhrat tezlik evaziga qochish qanday bo'lishini ko'rsatib qo'ydi.

Ochig'i, o'yindan oldin Sadriddin Abdullaevni asosiy tarkibda tushmasligini taxmin qilgan edim. Lekin, u huddi xorij yig'inlari davomidagi o'rtoqlik o'yinlarida bo'lgani kabi jamoani sardor sifatida maydonga boshlab tushdi va 11talikdagi o'rnini hech kimga berish niyatida emasligi isbotladi.

Nivaldoning sovuqqonligi va hotirjamligi menga yoqdi. Gol urgan vaziyatda u mutlaqo o'ziga ishongan tarzda kirib bordi va maqsadiga erishdi.

Bizning jamoalarga mana shunaqa bitta imkoniyatdan foydalanadigan hujumchilar etishmaydi.

Bu esa kechagi kunning asosiy qahramoni. Bunga sal keyinroq qaytamiz.

"Al Vahda" bosh murabbiyi Laurenciu Regekampfning holatini tushunish mumkin.

Uchrashuvni "Paxtakor" bosh murabbiyi SHota Arveladze ham yordamchilari bilan birga kuzatib bordi.

Kun qahramoni - Ikrom Aliboev! SHaxsan men uchun futboldagi eng sevimli o'yinchim angliyalik Devid Bekxem. Kecha Ikrom afsonaviy Bekxemning 1996 yilning 17 avgustidagi zarbasini takrorladi. O'shanda Beks "Uimbldon" darvozasini maydon markazidan ishg'ol qilgandi. Etiborlisi, aynan o'sha goldan keyin Devid MYUning asosiy tarkibidan muqim joy olgan va Angliya terma jamoasiga ham chaqirilgan. Umid qilamizki, afsonaviy golni takrorlab barchamizga futbol lazzatidan bahra olish imkonini bergan Ikromning keyingi taqdiri ham Bekxemnikidan kam bo'lmasin!

SHunchaki, yaxshi kadr.

CHiroyli o'yin va ishonchli g'alaba uchun Mirko janoblariga ham alohida rahmat aytamiz.

Sardor Mirzaev ko'p bor raqib jarima maydonida kurashlarga kirdi va vaziyatlarga chiqib bordi. Ammo, unga kecha gol urish borasida omad kulib boqmadi.

Sardor Rashidov birgina vaziyatda individual harakatlari evaziga gol urdi. Lekin, u jamoa uchun o'ynash borasida ishlashi kerak. Kecha ko'p hollarda u to'pni yo'qotib qo'ydi.

Kecha SHerzod Karimov maydonga tushganidan keyin "Paxtakor" muxlislari uni olqishlab turishdi, jamoaning sobiq o'yinchisiga nisbatan bunday hurmat ham iliq taassurot qoldirdi.

Barchangizga rahmat, yigitlar!

"Lokomotiv" - "Al Vahda" (5:0) uchrashuvidan to'liq fotogalereyani saytimizning maxsus bo'limi orqali tomosha qilishingiz mumkin. >>>>> FOTOGALEREYA

Tolibjon Qosimov