"Bayramda penalti berish kerak, kuchli uchlikda yurganimiz kimlargadir yoqmayapti" - Vitaliy Levchenko

- Uchrashuv oldidan "Buxoro" istalgan ijobiy natija uchun kurashishini bilgandik. SHu sababli o'z jarima maydonchamiz ichida ularga zarba berish uchun vaziyatlar yaratishiga qarshilik qildik. Xatolar pand berdi va ikki ochkoni yo'qotdik. Qattiq afsusdaman.

- Penalti haqida nima deya olasiz?

- Bosh hakamning fikrini muhokama qilishni istamayman. Ammo bir gap bor: bugun bayram ekan, nega penalti qo'ymaslik kerak?

- Jamoangizning o'yinidan mamnunmisiz?

- Bugun o'zimizning eng yaxshi o'yinimizni ko'rsata olmadik. Balki vaziyatlarda oxirigacha o'ynamaganimiz sababdir. 

- Demak, durangdan mamnun emassiz.

- Albatta, yo'q. Balki kuchli uchlik yurganimiz kimlargadir yoqmayotgandir. Bo'lishi mumkinku. Durangdan mamnun emasman. Bu erga uch ochko uchun kelgandik. 

- Bugun "Bunyodkor" mag'lub bo'ldi va chempionatda yutqazmagan birgina "Neftchi" qoldi.

- Demak, yutqazmayotganimiz kimlargadir yoqmagan.

- "Neftchi" chempionlik uchun kurasha oladimi yoki natijalar tasodifmi?

- Hozir 7-tur. Demak, kurashishda davom etamiz. Tasodifan 7 o'yinda mag'lub bo'lmaslik mumkinmasku. Kurashamiz deyapmanku. Ammo keyinchalik nyuanslar, aks holatlar bo'lib qolishi mumkin. 

- "Neftchi" futbolchilari ikki marta "Buxoro" posbonini xato qilishga majbur qildi.

- "Buxoro"ni muhokama qilmayman. Sizlarda ham qarorlarni qabul qiladigan o'z bosh murabbiyingiz bor. Men faqatgina o'z jamoam haqida gapiraman. 

- "Buxoro"ning o'yinini o'rganayotganda qanday kuchli tomonlarni ko'rdingiz?

- Ulug'bek Bakaevni bilaman, u asosan katta kuchni oladigan, vertikal futbol o'ynatishni yaxshi ko'radi. Ko'p asabiylik, ko'p kurashlar kuzatiladi. Biz bugun shunday futbolga tayyorlangandik. 

- 2:1 hisobi bo'lganidan keyin g'alaba qozonib bo'ldik, deb o'yladingizmi?

- Barchasi shunday yakunlanmasa kerak deb o'yladim. O'yinda hamma narsa bo'lishi mumkin. Bu normal holat. Uchrashuv qanday tugashi kerak bo'lgan bo'lsa, shunday tugadi.