Baxtiyor Sattarov: "Bosh sovrin uchun oxirgicha kurashamiz"

 
"Bugungi uchrashuv jamoamiz uchun juda og'ir kechdi.  Birinchi bo'limda futbolchilar yomon o'yin nomoish etmadi.  Ikkinchi bo'limda esa maydonga tushgan barcha futbolchilar bildirilgan ishonchimni oqlay olmadi.  Ularga topshirilgan vazifalarni maydonda ko'rsatib bera olmadilar.  Yigitlarga iroda va o'ziga bo'lgan ishonch etishmadi.  Maydonga tushayotgan har bir futbolchi nima uchun chiqqanini bilishi kerak hamda murabbiy ko'rsatmalarini bajarishi lozim.  Bazi futbolchilardan buni ko'rmadim.  Ko'rsatmalar bajarilmay qoldi va mag'lubiyatga sabab bo'ldi.  Bunda bosh murabbiy aybdor bo'ladi.  O'yinni qayta ko'rgandan so'ng bu o'yinni taxlil qilamiz.  Futbolchilar bilan ruhiyat borasida ko'p ishlash kerak.  Ayniqsa yosh futbolchilar maydonda o'zini yo'qotib qo'ymoqda.  Aslida 18-19 yoshli futbolchilar allaqachon katta futbolga moslashishi lozim.  18 -19 yosh futbolchini endi bunday yosh bolalarcha xato qilishga haqqi yo'q edi", -  - deydi Baxtiyor Sattarov


- Yoshlar jamoasida birinchi marta bosh murabbiy sifatida faoliyat olib bormoqdasiz? Ortda qolgan uchta o'yindan so'ng umumiy fikrlar qanday bo'lmoqda?

Turdan-turga futbolchilarni imkoniyatlarini,  jismoniy tayyorgarliklarini,  ruhiy holatini,  taktik va texnik tayyorgarliklarini o'rgangan holda taxlil qilib bormoqdaman.  Beshinchi-oltinchi turlarga borib barcha futbolchilarning qay darajada salohiyatga ega ekanligini bilib olishim mumkin.  Birinchi turda futbolchilar irodali o'yin ko'rsatgan edi.  0: 2 hisobida ortda qolgan jamoa bu vaziyatdan chiqib ketdi 3: 2 .  Safarda "Andijon" bilan uchrashuvda esa oxirgi daqiqalarda yo'l qo'yilgan xato qimmatli ikki ochkodan mahrum qildi.  

- Amaldagi yoshlar ligasi chempionini vazifasi nimadan iborat ? Jamoani qabul qilib olayotgan vaqtingizda rahbariyat Sizga qanday vazifalar qo'yishdilar ?

Jamoani qabul qilib olayotgan vaqtimda rahbariyat menga aniq vazifalarni belgilab berdi.  Kelayotgan mavsumga asosiy tarkib jamoasining kuchsiz chiziqlarini o'zimizning yoshlar bilan to'ldirish va ularni munosib futbolchi qilib tarbiyalash bosh maqsad qilib qo'yildi.  Fikrimcha yoshlar ligasining asosiy maqsadlaridan biri bosh jamoasiga munosib futbolchilarni tayyorlashdan iboratdir.  Biz bu mavsum ham bosh sovrin uchun oxirgi turgacha kurash olib boramiz.