Baxtiyor Ashurmatov: "So'g'diyona"ning bu yilgi tarkibi so'nggi yillardagi eng kuchlisi"

"So'g'diyona" jiddiy raqib ekanini yigitlarga tushuntirib o'tgandim. Bu jamoa "Navbahor"dan ochko oldi, o'z uyida "Lokomotiv" bilan durang o'ynadi va "Neftchi"ni Farg'onada mag'lub etdi. So'nggi yillarda Jizzax klubining eng kuchli tarkibi hozirgisi hisoblanadi. Davron Fayziev bu jamoa bilan ancha yaxshi ishlamoqda. O'yin qiyin kechdi. Futbolchilarim muxlislar kutgan o'yinni ko'rsatishdi va g'alaba qozona oldik", - deydi Ashurmatov.

"Hozircha futbolchilar bir tekisda o'ynay olishmayapti. Buxorodagi yirik mag'lubiyatdan so'ng o'zgarishlarga qo'l urdik. Maydonga tushgan futbolchi oxirigacha kurashishi lozim. Bugungi o'yinga mana shu tarkibni maqul ko'rdim va bu o'zini oqladi".

"Hisob yirik ko'rinish olganidan keyin futbolchilar o'zlarini bosib olishmadi va oqibatda 10 kishi bo'lib qolgan raqib to'p nazoratini o'z qo'liga oldi. Aslida futbolchilarimiz asabiy o'yin ko'rsatmay yirik g'alabani saqlab qolishlari kerak edi".

"O'z uyimizda o'ynaganimiz uchun Berdiev va Yovanovichni maydonga tushirdim. Zaxiradan Abdumalik Abdullaevni tushurdim. Uning tezligi tufayli shunday qarorga keldim. Unda bir qator imkoniyatlar ham paydo bo'ldi", - deydi Baxtiyor Ashurmatov.

"Andijon" matbuot xizmati