Baxtiyor Ashurmatov: "Oxirigacha ishonishda va umid bildirishda davom etamiz"

- Baxtiyor aka, bugungi uchrashuv borasida fikringiz qanday? Bugungi o'yin uchun mo'ljallagan rejalaringiz amalga oshdimi?
- Kecha terma jamoaga nomzod yigitlarni Toshkentda to'pladik. Mana bugun Qirg'iziston olimpiya terma jamoasiga qarshi o'rtoqlik uchrashuvida maydonga tushdik. Aslida ikkita o'yin rejalashtirgandik. Keyin rejaga biroz o'zgartirish kiritildi va ikkinchi uchrashuvda jahon chempionatiga hozirlik ko'rayotgan yoshlar terma jamoamiz o'ynaydigan bo'ldi. Ming afsuski, juda noqulay ahvolga tushib qoldik. Taqdirimiz V guruhi jamoalari qo'lida qolib ketyapti. Murabbiylar shtabi, futbolchilar bundan juda ham afsusdamiz, bunga o'zimiz aybdormiz.

Osiyo chempionati final bosqichiga chiqa olmaslik, bu biz uchun 2016 yili Braziliyada bo'lib  o'tadigan Olimpiada eshiklari berkitilishini ham anglatadi. Lekin umidni batamom uzganimiz yo'q. Oxirigacha ishonishda va umid bildirishda davom etamiz. O'ylaymanki, hammasi biz o'ylaganchalik bo'ladi. Endi taqdirimiz boshqa guruhning o'yinlariga bog'liq deb tayyorgarlikni to'xtatib qo'yish ham yaxshi emas. SHu sababli Qirg'iziston terma jamoasining taklifini qabul qildik. Guvohi bo'lganingizdek, ushbu o'yinda bir guruh yangi futbolchilarni ham sinab ko'rdik.