Baxtiyor Ashurmatov: “Nasaf” ayni paytda O'zbekistondagi eng kuchli jamoa”
25 sen 2015 21:30
Yangiliklar
![](https://championat.asia/upload/storage/183545_original.jpg)
![](/upload/storage/183545_220.jpg)
Baxtiyor Ashurmatov: “Nasaf” ayni paytda O'zbekistondagi eng kuchli jamoa”
“Murabbiy sifatida bu mag'lubiyatdan keyin fikr bildirish ham qiyin. "Nasaf" hozirgi paytda oliy ligamizda o'yin tashkil
etish bo'yicha, hujumlar uyushtirish borasida juda kuchli hisoblanadi. Biz
"Paxtakor" bilan ham, "Bunyodkor" bilan ham o'ynadik. Lekin "Nasaf"
ulardan ko'ra ko'proq tashvish tug'dirdi, deyishim mumkin. Bugun olti nafar
futbolchimiz o'ynamadi va bu narsa ham o'yinga o'z tasirini ko'rsatdi. Lekin
bugungi mag'lubiyatni murabbiy sifatida tan olib, "Nasaf"ni g'alaba bilan
tabriklayman. Bugungi o'yinda maydonga tushgan futbolchilar asosiy tarkibga
loyiq ekanliklarini isbotlashlariga umid qilgandim. Lekin raqib bizga
imkon bermadi va haqli g'alabani qo'lga kiritdi. "Nasaf" chiroyli o'ynadi va
maydonda etakchi ekanligini isbotladi. Finalda kimning imkoniyati ko'proq?
Aytib o'tganimdek, "Nasaf" hozirda o'yin tashkil
etish bo'yicha boshqalardan ustun. Men o'zim "Bunyodkor"da o'ynaganman va klub
rahbariyati bilan ham aloqam yaxshi. Lekin ayni paytda "Nasaf"ni
O'zbekistondagi eng kuchli jamoa deb bemalol ayta olaman. Lekin shuni unutmaslik kerakki, finalda har ikkala jamoaning imkoniyatlari teng. Bizni qiziqarli final kutib turibdi", - dedi Baxtiyor Ashurmatov.
O’xshash yangiliklar
![AMP Logo](https://championat.asia/image/logo-amp.png)
Fikrlar