Baxtiyor Ashurmatov: “Istefoga chiqmoqchi bo'lib turgandim, lekin...”
16 iyu 2016 22:50
Yangiliklar
![](https://championat.asia/upload/storage/211446_original.jpg)
![](/upload/storage/211446_220.jpg)
Baxtiyor Ashurmatov: “Istefoga chiqmoqchi bo'lib turgandim, lekin...”
- Afsuski oxirgi
paytlarda jamoa muvaffaqiyatsizlik evaziga muammolar girdobiga tushib
qoldi. Bugun mag'lub bo'lganimizga qaramay muxlislarimiz
qo'llab-quvvatlashdi. Ularga shuni aytishim mumkinki, nasib qilsa oxirigacha
kurashamiz va qachonki ishqibozlarimizga yoqadigan jamoa tuzsak, shundagina
jamoadan ketish haqida o'ylash mumkin. Ungacha agarda rahbariyat va muxlislar
ishonch bildirishda davom etsa oxirigacha ishlab, ular xohlagan darajaga
olib chiqamiz. Ochig'ini aytganda, hozir murabbiylik faoliyatimda ilk bor
shunday qiyin vaziyatga tushib qoldim. O'tgan turda “Metallurg” bilan bahsda
muxlislar etiroz bildirishdi. Mana bugungi uchrashuvda ham. Ular bunga
haqli. CHunki o'zimiz ishqibozlar kutganichalik futbol namoyish qila
olmayapmiz. Lekin yana shunisi ham borki, jamoada murabbiy o'zgarishi har
doim ham foydali bo'lib chiqmaydi.SHu sababli biz jamoa bilan gaplashib
oldik. Futbolchilar va murabbiylar ahil bo'lib ishlamas ekanmiz ishqibozlar
kutgan darajaga chiqish murakkab.
- Bu erda yangi jamoa tuzishda
katta qiyinchiliklarga duch keldim. Bunchalik darajada bo'lishini
o'ylamagandim. Bu qiyinchiliklarni engib o'tishimiz kerak va kuniga 24 soat
ishlab, xatolar ustida ishlab jamoa tuzsakgina keyin boshqa jamoa haqida
o'ylasam bo'ladi.
- Qiyin vaziyatdan chiqib ketishimiz kerak.
O'ylaymanki biz buni uddalay olamiz. Lekin buning uchun jamoa ahil bo'lishi
muhim. Futbolchilar shu narsani his qilishi kerakki, ular o'zlari uchun emas
Andijon shani uchun, ashaddiy ishqibozlar, murabbiylar va rahbarlar shani
uchun o'ynashi kerak. Ikkinchi bo'limda o'ynagandek har doim shunday xarakat
qilishsa, “Andijon” har qanday jamoa uchun jiddiy qarshilik ko'rsata oladi.
- Afsuski so'nggi paytlarda omad bizdan yuz o'girmoqda.
“Metallurg”ga qarshi kechgan bahsda ham bir qator 100 foizli
imkoniyatlardan foydalana olmadik. Bugungi uchrashuvda ham shu kabi
vaziyatlardan foydalana bilmadik.
- Agarda muxlislar va
rahbariyat istefoga chiqishimni talab qilmasa, Andijondan yorug' yuz bilan
ketish uchun bu erda kurashchan jamoa shakllantirishga bor kuchim bilan
ishlayman. Nasib qilsa shu niyatimga etaman. To'g'ri, ishqibozlarga doimo
g'alaba kerak. Ular sevimli jamoasidan ijobiy natija kutishga haqli.
Jamoaga kelgan chog'imda klubni autsayderlar qatoridan olib chiqib ketaman deb
aytgandim. Xudo xohlasa bu ishni uddalaymiz va muxlislar ishonchini
qozonamiz.
- Ayrim sabablarga ko'ra, o'yindan oldin malum muddat
jamoa bilan birga bo'la olmadim. Albatta bu ham qaysidir manoda bugungi
mag'lubiyatimizga tasirini o'tkazgan bo'lishi mumkin. CHunki bosh murabbiyning
jamoada yo'qligi futbolchilarga tasirini o'tkazishi extimoli katta. Tan
olaman, bu mening aybim. Muxlislardan ham uzur so'rayman. CHunki men oson
taslim bo'lib, istefoga chiqmoqchi bo'lib turgandim. Bu erga imkon qadar
ko'proq ochko jamg'arib, muxlislarni stadionga tashrifini yanada oshiramiz
degan maqsadda kelgandim. “Navbahor”da ishlagan paytimda men bunga
muvaffaq bo'lganman. Autsayerlar qatoridan jamoa chiqib ketgandi. Lekin
Andijonda hozircha o'ylagan rejalarimiz amalga oshmayapti. Bundan keyin
ishlashda davom etsak, muxlislar va rahbarlar tomonidan hech qanday etiroz
bo'lmaydi.
- Bugungi o'yindan keyin menda kurashish uchun katta
ishtiyoq paydo bo'ldi. Buning uchun muxlislar biroz sabr qilishlarini so'ragan
bo'lardim. To'g'ri, bu erda juda ko'p murabbiylar almashinuvi ro'y beradi.
Yangiliklarni muxlislar kutib yashashadi. Aytaylik hozir jamoaga yangi
murabbiy kelsa, vaziyat ijobiy tomonga o'zgarib, zo'r bo'lib ketadi degan
fikrga borishi mumkin. Lekin ular to'g'ri tushunishsin, jamoada vaziyat
baribir muxlislar xohlagan darajada emas. Yangi murabbiy kelgan taqdirda
ham juda qiyin bo'lardi. Ular ham jamoani biz tuzmaganmiz yoki
o'yinchilarning saviyasi past degan fikrlarni bildirishlari mumkin. Bu
jamoani o'zimiz tuzganmiz. Muvaffaqiyatsizlarga ham biz aybdormiz. Salbiy
natijaga biz javobgarmiz. SHu sababli oxirigacha kurashish kerak va qiyin
vaziyatdan chiqib ketishimiz zarur. Aytib o'tganimdek, kuniga 24 soat
ishlashga tayyorman. Ishonchim komilki, biz buni uddalaymiz – deydi Baxtiyor
Azamovich.
“Andijon” matbuot xizmati.
O’xshash yangiliklar
![AMP Logo](https://championat.asia/image/logo-amp.png)
Fikrlar