Baxtiyor Ashurmatov: "Finalda "Nasaf" - "Navbahor" qarama-qarshiligini taxmin qilaman"

Qarshida "Nasaf" - "Dinamo", Olmaliqda OKMK - "Navbahor" qarama-qarshiligiga guvoh bo'lamiz. Mazkur uchrashuv oldidan saytimiz jurnalisti Abdulaziz Iskandarov tajribali mutaxassis Baxtiyor Ashurmatovning fikrlari bilan qiziqdi. 

— Aytish mumkinki, bu yilgi kubok uchrashuvlari juda qiziqarli ruhda o'tmoqda. OKMK - "Navbahor" uchrashuvini final oldidan finalga qiyoslash mumkin. Bu to'qnashuvni qiziqarli o'tishini kutmoqdaman. Fikrimcha, mazkur uchrashuvda "Navbahor"ning imkoniyati ko'proq. Ammo unutmaslik kerakki, OKMK chempionlik uchun kurashdan chiqqan. O'zbekiston kubogi OKMK uchun mavsumda sovrin qo'lga kiritishning yagona yo'li hisoblanadi. "Konchilar" yaxshigina qarshilik ko'rsatishi tabiiy. 

— Qarshida esa so'zsiz "Nasaf" favorit. "Dinamo" bunga qadar sensaciya ko'rsatib, "Paxtakor" va "Olimpik"ni kubokdan chiqarib yuborishga muvaffaq bo'ldi. Ammo tan olish kerak, "Nasaf" hozir "Dinamo"dan bir bosh ustun. SHu sababli bu o'yinda mezbonlar g'alaba qozonadi, deb o'ylayman. Finalda "Nasaf" va "Navbahor" bosh sovrin uchun kurashishini taxmin qilaman. CHempionlik uchun "Paxtakor", kubok uchun "Navbahor" asosiy davogar, deya olaman. "Nasaf" kubok jamoasi ekanligini yoddan chiqarmaslik kerak. Boz ustiga finalga Qarshi shahri mezbonlik qiladi. Muxlislarni murosasiz yarim final o'yinlari kutmoqda.