"Bavariya" ustozi "Barselona" haqida: "Ularda pul yo'q, lekin istalgan futbolchisini sotib olishyapti"

2014 yildan beri "Bavariya" safida o'ynab kelgan hujumchi Robert Levandovski Kataloniya klubiga o'tdi va 4 yillik shartnoma imzoladi.

"Barselona" forvardning transferi uchun 45 mln evro + 5 mln bonuslar to'laydi.

"Barselona" puli yo'q yagona klub, lekin o'zi xohlagan istalgan o'yinchini sotib olyapti. Ular buni qanday qilayotganini bilmayman. Bu biroz g'alati va biroz aqldan ozdiradi.

Hujumingda Robertdek futbolchi bo'lsa, ko'proq qanotlar orqali o'ynaysan.

Endi bizning o'yin uslubimiz o'zgaradi. Yangi "Bavariya" paydo bo'ladi. Bu chaqiruv, men esa chaqiruvlarni sevaman. Biz yangi yo'llarni topishimiz va kreativ bo'lishimiz lozim", - dedi "Bavariya" bosh murabbiyi.