"Bavariya" Robben bilan yangi shartnoma imzolamaydigan ko'rinadi

So'nggi vaqtlarda eng ko'p muhokama qilinayotgan savollardan biri, aynan golland yulduzi haqida bo'lmoqda. Aftidan, bunday gap-so'zlar Myunxen super-klubi prezidenti Uli Xyonessga qadar etib borgan ko'rinadi.

Mish-mishlardan bezor bo'lgan prezident Xyoness Arien Robbenning kelgusi faoliyati haqida so'z ochishga hali erta ekanini takidladi:

- Biz Robbendan nima kutishimizni u, Robben jamoadan nima kutishini biz juda yaxshi bilamiz. Aytmoqchimanki, o'rtamizda iliq munosabatlar hukmron. Kelib chiqayotgan muammolarga esa hali birgalikda, albatta, echim topamiz. Robbenning shartnomasi tugashiga yana bir yarim yil vaqt bor. Menimcha, yangi shartnoma tuzishga shoshilmasak ham bo'ladi, - dedi Uli Xyoness.

Eslatib o'tamiz, Aren Robbenning “Bavariya” bilan tuzgan shartnomasi 2015 yilda yakuniga etadi.