"Barselona" yosh forvardni ijaraga bermoqchi

"Barselona" hujumchi Vitor Rokeni ijaraga bermoqchi. Bu haqda "A Bola" xabar bermoqda.

Manbaning xabariga ko'ra, "Portu" futbolchini safiga qo'shib olishga urinmoqda. Klub sport direktori allaqachon kelishuv ustida ishlamoqda. Kataloniyaliklar hatto futbolchini sotib olish to'g'risidagi bandni ham kiritishga tayyor.

"Inter" ham braziliyalik futbolchini tarkibga qo'shib olish haqida o'ylamoqda. U "neradzurri" "Jenoa" hujumchisi Albert Gudmundssonni qo'lga kirita olmasa, zaxira variant hisoblanadi.

Roke yanvar oyida "Atletiko Paranaense"dan 30+30 million evro evaziga "ko'k-anorranglilar"ga o'tgan edi. 19 yoshli hujumchi La Liganing joriy mavsumida har bir o'yinda o'rtacha 25 daqiqadan harakat qilmoqda.