“Barkamol avlod” – “Navro'z Kubogi-2017” g'olibi!
24 mar 2017 11:31
Yangiliklar
![](https://championat.asia/upload/storage/246041_original.jpg)
![](/upload/storage/246041_220.jpg)
“Barkamol avlod” – “Navro'z Kubogi-2017” g'olibi!
Bu yilgi turnirda 16 ta jamoa to'rt mintaqaga bo'lingan holda kurash olib borishdi. Uchrashuvlar Farg'ona, Marg'ilon, Qo'qon shaharlari va Rishton tumanida o'tkazildi. O'z mintaqalarida birinchi o'rinni qo'lga kiritgan – “Barkamol avlod”, “Toshloq”, “Qo'qon-1912” va “Oltiariq” jamoalari yarim finalga yo'llanma olishdi. Yarim final va final uchrashuvlariga Farg'ona davlat universitetining sport sog'lomlashtirish majmuasi (sobiq “Markaziy” stadion) mezbonlik qildi.
Birinchi yarim finalda – “Qo'qon-1912” – “Toshloq” jamoalari kuch sinashishdi. Ushbu bellashuvda toshloqliklar raqiblarini 4:2 hisobida dog'da qoldirishdi.
Ikkinchi finalchi nomi – “Barkamol avlod” – “Oltiariq” uchrashuvidan keyin malum bo'ldi. Musobaqaga puxta tayyorgarlik ko'rgan - “Barkamol avlod” 2:1 hisobida raqibini dog'da qoldirib, hal qiluvchi o'yinga yo'llanma oldi.
22 mart kuni musobaqa g'olibi aniqlandi. “Barkamol avlod”-“Toshloq” uchrashuvi keskin va murosasiz tarzda kechdi. O'yinda “Barkamol avlod” vakillari 2:1 hisobida g'alaba qozonib, bosh sovrin egasiga aylanishdi.
Musobaqa yakuniga etgach, odatga ko'ra, g'olib va sovrindorlar qimmatbaho sovg'alar bilan taqdirlanishdi.
Ushbu turnir Farg'ona viloyat hokimligi, Farg'ona viloyati futbol federaciyasi xodimlari tomonidan yuqori saviyada tashkil etilganini etirof etish lozim.
Abror Dehqonov
O’xshash yangiliklar
![AMP Logo](https://championat.asia/image/logo-amp.png)
Fikrlar