Bahrom Hakimov: "Ko'p narsa Iordaniyaga qarshi qanday tarkib bilan o'ynashga bog'liq"

- Bilasizmi uchrashuvdan oldin tayinli gap aytish qiyin. Rosti, Iordaniyani o'yinini ko'rmaganimga ham 8 oy vaqt o'tdi. Ularning bugungi xolati qay darajada ekanligini bugungi o'yin ko'rsatib bersa ajab emas. Milliy terma jamoamiz bilan bog'liq fikrlarim ham jumboq. Sababi bugun bosh murabbiy qanday tarkibdan foydalanishini bilmaymiz. Yoshlar bilan bir qatorda legionerlarimiz ham chaqirilgan. Agarda bugun chetda o'ynayotgan futbolchilarni tushirsa, Iordaniyani yutsa bo'ladi. Lekin bilishimcha legionerlarni keyingi o'yinga tushirish imkoniyati yuqori ekan.

- Terma jamoada yoshartirish ishlarini olib borib, juda yaxshi ish qildi. Mana endi raqobat yanada oshadi. Yoshlar o'rnimni egallamasin deb, legionerlar harakat qilsa, yoshlar o'zidan iliq taassurot qoldirish uchun astoydil ishlaydi. Tabiiyki raqobat bor joyda o'sish ko'zga tashlanadi.

- Terma jamoaning yaqin ikki o'yiniga taklif etilgan o'yinchilar ro'yxati bilan tanishib chiqdim. Bu borada bir nima deya olmayman. Hammasi bosh murabbiy hal qiladi. Mirjalol Qosimov ham ijobiy natijaga erishish yo'lida ishlamoqda. Iordaniya va Yangi Zelandiyaga qarshi o'yinlar orqali Qosimov Osiyo chempionatiga boradigan nomzodlarni yana bir bor ko'zdan kechirib olish imkoniyatiga egadir", - deydi Bahrom Mamajonovich.


Islombek Rustambekov suhbatlashdi