Bahor-2018. Qosimov – peshqadam, Arveladze – eng omadsiz murabbiy

Ortda qolgan 3 oy sarhisob qilinganida, oyning eng yaxshi murabbiylari ichida “Bunyodkor” ustozi Mirjalol Qosimov boshqalardan ilgarilab ketganiga guvoh bo'lamiz. Tajribali mutaxassis 3 oyda 2 marta oy laureati bo'lishga erishdi. Qosimov mart va may oylarida tengsiz deb etirof etildi. Natijada uning hisobida ayni paytga kelib, jami 6 ochko mavjud bo'lib turibdi.

Undan keyingi o'rinni esa hali biror marta ham g'oliblikni qo'lga kiritmagan “Paxtakor” bosh murabbiyi SHota Arveladze egallab turibdi. Arveladze oyning eng yaxshi murabbiyi bo'lish uchun har oy davogarlik qilmoqda. Biroq yakuniy ovoz berish natijalariga ko'ra mukofot boshqa mutaxassislarga yo'l olmoqda. SHunday bo'lsa-da, hozircha har oy nomzodlar qatoridan o'rin egallayotgan yagona murabbiy hisobida 4 ochko bor. Dastlab martda Arveladze xatto kuchli uchlikka ham kira olmagan bo'lsa, aprel va may oylarida “sherlar” ustozi yakunda ikkinchi o'rinni band etdi.

SHuningdek, “Navbahor” bosh murabbiyi Ilhom Mo'minjonov hamda “Metallurg” ustozi Andrey SHipilov 2 ochkodan jamg'arishgan. Mo'minjonov 2 marta uchinchi o'rinni egallagan bo'lsa, SHipilov mart oyi yakunlariga ko'ra ikkinchi pog'onadan joy olgan edi. Qolaversa, aprelda kuchli uchlikdan o'rin olgan “So'g'diyona” bosh murabbiyi Sergey Lushchan hisobida ham 1 ochko mavjud.

Oldinda bizni yozgi mavsum kutmoqda. Ko'ramiz, endi qaysi murabbiylar o'zini ko'rsatarkin…