Aziz Ibragimov yurtimizga qaytmoqda

2006 yili "Mashal"dagi mazmunli o'yini orqali Slovakiyaning "Slovan" klubi etiboriga tushgan futbolchi 20 yoshidayoq Evropaga yo'l olgandi. Bratislava klubida Aziz yo'qolib qolmadi va u erdagi ikki yillik faoliyati mobaynida 52 uchrashuvda qatnashib, raqiblar darvozasiga 10 bor yo'l topa bildi. So'ngra Ibragimov jamoasini o'zgartirishga qaror qildi va 2008 yili taqdirini CHexiyaning "Bogemians-1905" klubi bilan bog'ladi. Bu klubda hamyurtimiz uch yil o'ynadi va jami 45ta o'yinda ishtirok etdi. O'z hisobiga esa 1ta gol yozdirib qo'ydi.

Keyinchalik futbolchi o'zini Xitoy super ligasida ham sinab ko'rishga qaror qilib, "Cindao Jonun" variantini tanladi.

Oxirgi yillarda esa Aziz Ibragimov CHexiyaning "Bogemians" klubida o'ynab kelayotgandi.

Malumotlarga ko'ra futbolchi endilikda faoliyatini O'zbekistonda davom ettirishga qaror qilgan. 27 yoshli o'yinchi "Andijon" klubi bilan muzokara o'tkazgan. Unga ko'ra, Ibragimov ertaga Toshkentga uchib keladi. SHanba kuni esa "Andijon" qarorgohiga tashrif buyurib, klub bilan yaqindan tanishadi va mashg'ulotlarga qo'shiladi.