Aziz Haydarov: “Muxlislar ishonchini oqlaymiz”

“O'ylashimcha, yigitlar yaxshi sport formasida. Jamoadagi ko'pchilik uchun mavsum nixoyalab borayotgani va ularning jismoniy ko'rsatgichlari biroz pasayganini hisobga olgan holda murabbiylar shtabi ish olib boryapti. O'yingacha hamma tayyor holatga keladi, deb o'ylayman. Undan tashqari futbolchilar bilan psixologik tayyorgarlik ishlari yo'lga qo'yilgan. CHunki oldinda juda muhim o'yin kutyapti. Bu o'yinning qanchalik ahamiyatga ega ekanini jamoadagi barcha yaxshi tushunib turibdi. Bo'lajak o'yinlarni o'z foydamizga hal qilish uchun butun diqqat etiborimizni ularga qaratishimiz kerak. Hech kimda futboldan tashqari hech qanday ortiqcha hayollar, o'y-fikrlar bo'lmasligi lozim”, - deya so'zida davom etdi milliy terma jamoa safida 71 bora maydonga tushgan futbolchi.  

Jahon chempionati ikkinchi saralash bosqichi doirasidagi dastlabki o'yinda KXDR maydonida uchralgan mag'lubiyat haqida eslar ekan, Aziz, jumladan shunday dedi:

“Dastlabki o'yinda bir qancha kutilmagan holatlarga duch keldik. Birinchi navbatda bu - maydon. CHunki suniy qoplamali maydonda o'ynashini bilganidan keyin futbolchilarning ishtiyoqiga bu narsa salbiy tasir o'tkazmay qolmaydi. Ikkinchidan ular o'z muxlislari ko'z o'yingida, ularning qo'llab-quvvatlashlarinidan qo'shimcha kuch olgan holda o'ynashdi”.

Javob uchrashuvida esa u O'zbekiston uch ochkoni qo'lga kirita olishi va muxlislar ishonchini oqlashiga ishonch bildirdi.

“Bu safar esa endi biz o'z muxlislarimiz qarshisida o'ynaymiz. Bu o'yinda maydonga raqibdan avvalgi mag'lubiyat uchun o'ch olish uchun emas, balki, raqib jamoasini mag'lub etib, o'zimizga juda kerakli uch ochkoni qo'lga kiritish uchun tushamiz. Ortiqcha ehtirosga berilib emas, aql bilan o'yin ko'rsatamiz. Muxlislarimiz bizga ishonishadi. O'ylaymanki, muxlislar oldida yuzimiz yorug' bo'ladi va o'yinni g'alaba bilan yakunlaymiz”.