Azamat Abduraimov: "Qosimovning ketishi va Babayanning kelishi to'g'ri qaror"

"Men terma jamoa bosh murabbiyining o'zgarganidan hayratga tushganim yo'q: barchasi shunga qarab ketayotgandi, eng muhimi jamoa va uning atrofidagi holat yaxshi emasdi. Mirjalol esa menimcha, doimiy tarzda bosim ostida qolgani uchun ortiq ishlashni istamay qoldi. Lekin O'FF Qosimov bilan iliq munosabatda xayrlashdi. Uning terma jamoadagi faoliyati alohida qayd etib o'tildi. Bu eng muhim vaziyat.

Menimcha, Samvel Babayanning tayinlanishi eng to'g'ri tanlov bo'ldi deb hisoblayman. Bu haqdagi anchadan buyon gapirib kelinayotgandi, u o'tgan yilgi chempionlikdan so'ng ushbu lavozimga munosbiligini isbotlab bo'ldi. Qolaversa, uni aqlli va tajribali menejer deb bilamiz. Uning bu jihatlari kuchli jamoa va yagona murabbiylar shtabini tashkil qilish uchun kerak bo'ladi. U tashkil qiladigan tizimda har bir mutaxassis o'z ishi uchun javob beradigan bo'ladi, deb o'ylayman. Bundan oldin esa tartibsizlik kuzatilardi. Agar murabbiy o'z kasbining haqiqiy ustalarini emas, o'ziga yaqin bo'lgan murabbiylarni tanlaydigan bo'lsa... Bu kulguli va juda qayg'uli ko'rinadi, - deb yozadi Azamat Abduraimov o'zining feysbukdagi shaxsiy sahifasida.