Ayollar futboli. Jahon chempionatida kuchlilar saralanmoqda

7 iyulga qadar davom etadigan musobaqada jamoalar to'rttadan 6ta guruhga bo'lingan. Reglamentga ko'ra har bir guruhdan birinchi-ikkinchi o'rinni olgan jamoalar hamda eng yaxshi ko'rsatkich qayd etgan to'rtta 3-o'rin egasi keyingi bosqichga yo'l oladi. 

"A" guruhi - Franciya, Janubiy Koreya, Nigeriya, Norvegiya

"B" guruhi - Xitoy, Germaniya, JAR, Ispaniya

"C" guruhi - Avstraliya, Braziliya, Italiya, Yamayka

"D" guruhi - Argentina, Angliya, Yaponiya, SHotlandiya

"E" guruhi - Kamerun, Kanada, Gollandiya, Yangi Zelandiya

"F" guruhi - CHili, SHveciya, Tailand, AQSH 

Hozircha uchta guruhda turlar o'z yakuniga etdi. "A" guruhidan Franciya va Norvegiya keyingi bosqichga yo'l oldi. Nigeriyada uchinchi o'rin bilan keyingi bosqichga chiqish imkoniyati bor. Janubiy Koreya esa barcha uchrashuvlarni boy bergan holda musobaqani tark etdi. 

"B" guruhidan uchta jamoa 1/8 finalga yo'l oldi: Germaniya, Ispaniya va Xitoy. JAR ayollar termasi hamma o'yinni boy berdi. Xitoy 3-o'rinni egallab ham keyingi bosqich yo'llanmasini qo'lga kiritdi, bunga sabab xitoylik qizlar 4 ochko yig'ishdi va bu borada boshqa guruhlardagi 3-o'rin egalaridan oldinda. 

"C" guruhidan ham uchta jamoa keyingi etapga chiqdi: Italiya, Avstraliya, Braziliya. Yamayka uchala uchrashuvda ham mag'lub bo'ldi. Bu guruhdagi dastlabki uch jamoa bir xil 6 ochko jamg'ardi. 

"D" guruhi jamoalari hozircha ikkita tur o'tkazishdi. Angliya va Yaponiya keyingi bosqichga chiqdi. Argentina masalasi oxirgi turda hal bo'ladi. SHotlandiya hisobida hozircha 0 ochko bor. 

"E" guruhidan Gollandiya bilan Kanada 1/8 final yo'llanmasiga ega bo'ldi. Kamerun va Yangi Zelandiya hisobida hozircha ochko yo'q. Va nihoyat "F" guruhidan AQSH va SHveciyaga omad kulib boqdi. CHili va Tailand ayollar termalari hali ochko jamg'arishmadi. 

Hozirgi holatga ko'ra 3-o'rinlar orasida eng yaxshi ko'rsatkich qayd etib turgan eng yaxshi to'rtta jamoa: Braziliya (6 ochko), Xitoy (4 ochko), Nigeriya (3 ochko), Argentina (1 ochko).