"Atletiko"ning yangi futbolchisi Kiran Tripper: "Fantastik jamoa va ajoyib murabbiy"

28 yoshli futbolchi klub bilan 3 yillik shartnomaga imzo chekdi. Bitim narxi 25 million evroga baholanmoqda.

- Bu ajoyib his-tuyg'u. Men doim mamlakat tashqarisida o'ynashni xohlaganman. Fantastik jamoa va ajoyib murabbiy. Men hammasini sabrsizlik bilan kutmoqdaman. "Atletiko" ko'plab katta finallarda qatnashgan va klub La Ligada bir necha yillardan buyon ajoyib o'yinlar namoyish etib kelmoqda. Jamoada jahon darajasidagi o'yinchilar bor.

Simeone bilan ishlab, undan ko'p narsalarni o'rganmoqchiman. U jamoa bilan juda ham yaqin inson, - deydi Tripper.

Tripper "Atletiko" safida 95 yil ichida maydonga tushadigan birinchi angliyalik futbolchi bo'ladi.

"Atletiko"ning yangi himoyachisi kechadanoq jamoa mashg'ulotlariga kirishib ketdi va yangi jamoadoshlarini uni iliq kutib olishdi.