"Atletiko" "Manchester Yunayted"ning ikki futbolchisini nishonga oldi

Gap vingerlar Alexandro Garnacho va Antoni haqida ketayotgani aytilmoqda. Manbaga ko'ra, "qizil iblislar" rahbariyati futbolchilarni 100 mln evroga - Garnachoni 60 mln va Antonini 40 mln evroga sotishga tayyor.

Shu bilan birga, Antoni ijara asosida to'p o'ynayotgan "Betis" futbolchini saqlab qolishni istashi, biroq mablag' etishmasligi tufayli to'laqonli transferni amalga oshira olmasligi takidlanmoqda.

"Atletiko" ayni paytda Ispaniya chempionatining 31-turidan keyin 63 ochko bilan turnir jadvalida uchinchi o'rinda bormoqda.