"Atletik" futbolchisidan aqlbovar qilmas natija

O'yinning 65-daqiqasida mezbonlar hisobni ochgan bo'lsa, 6 daqiqa o'tgach, Inyaki Uilyams javob to'pini kiritdi va mehmonlar uyga ochko bilan qaytishlari uchun umid uchqunlari paydo bo'lgandi. Ammo 83-daqiqada Isaak ularni ranjitdi. Iker Munyainning o'yin oxiridagi qizil kartochkasi esa o'yinga so'nggi nuqtani qo'ydi. 

Bilbaoliklar mag'lub bo'lishdi, lekin jamoa safidagi yagona gol muallifi bilan bog'liq bir qiziq fakt mavjud. Inaki Uilyams  2016 yil 17 aprelidan buyon "Atletik"ning La Liga doirasidagi birorta o'yinini o'tkazib yubormadi. 

Aniqroq qilib aytadigan bo'lsak, bu 141ta uchrashuv degani!