"Atalanta"ning pleymeykeri Papu Gomes hakamga qarab bo'sh hudud izlaydi

"Atalanta" "Valensiya"ni o'z uyida 4:1 hisobida mag'lubiyatga uchratdi. Uchrashuv qahramonlaridan biri - argentinalik Alexandro "Papu" Gomes. Bu jamoada u asosiy assistent, joriy mavsum A Seriyada 10ta golli pas berdi.

CHempionlar ligasi bahsida "Atalanta" pleymeykeri birinchi golga assistentlik qildi va xavfli vaziyatlar yaratishda davom etdi. Gomesning ko'zga tashlangan kuchli tomoni - joy tanlash: U doimo bo'sh zona topadi va bu bilan jamoadoshlariga yordam beradi.

Oldinroq, Papu maydonda poziciyani qanday tanlashini aytib bergan edi. Bu sizga ham yoqib qolishi mumkin:

"Raqiblar meni ortimdan taqib qilishi juda qiyin. Bazida himoya boshida yoki hujumda paydo bo'laman.

Kimga qarab joy tanlashimni bilasizmi? Hakamga. Referi doimo hammadan yaxshi poziciyaga ega bo'ladi, u doimo erkin. SHu sababli arbitr bo'lgan joyda yurish lozim".

Hammasi to'g'ri: Hakam to'p bilan bo'layotgan jarayonga yaqin turishi, ammo unga halaqit qilmaydigan joyda bo'lishi lozim. Demak, referi doimo bo'sh zona qidiradi.

Birinchi bo'lim - Gomesning layfxaki bo'yicha o'tdi. Argentinalikni topish oson: Uning oq rangga bo'yalgan sochlari doimo Maykl Oliverga yaqin bo'ldi.

Bazida bosh hakam Gomes topgan joyga harakatlanayotgandek ko'rindi.

"Atalanta"ning uzoq vaqt davom etadigan pozicion hujumlarida Papu hakam yonida paydo bo'ladi. Tezkor hujumlarda esa Gomes chap qanotga yaqinroq o'ynaydi.

Italiyaliklar ikkinchi bo'limda pozicion hujumlarni kamaytirishdi va qarshi hujum uchun vaqt poylashdi. SHu sababli Alexandro chap qanotga yaqin joyda harakatlandi.