Asror Aliqulov: "Hakam qo'shib bergan daqiqalar to'xtalishlarga ketgan vaqtdan kamroq bo'ldi"

"Bugun shiddatli va muxlislarbop o'yin guvohiga aylandik. To'p nazoratini o'z qo'limizga olib, haqiqiy futbol namoyish etishga harakat qildik. Biroq standartlar raqibning asosiy quroli edi va buning oqibatida jazolandik. Bunga tayyorgarlik ko'rgandik, ammo chora topa olmadik. O'yinni o'z tomonimizga og'dirishga harakat qildik. "Qo'qon-1912" futbolchilari vaqt cho'zdi. Hakam qo'shib bergan daqiqalar to'xtalishlarga ketgan vaqtdan kamroq bo'ldi. Mag'lubiyatga qaramasdan, shogirdlarimga minnatdorchilik bildiraman", — dedi "Mashal" ustozi.