Arturo Vidal katta gapirib yubordi

- "Bavariya"dek jamoa barcha musobaqalarda g'olib bo'lmog'i lozim. SHu boisdan ham jamoa tarkibida yuqori malakali futbolchilar yig'ilgan. O'ylashimcha, 2017 yil to'liqligicha "Bavariya"ga ataladi. Bu yil bizning yilimiz bo'ladi.

Arturo Vidal faoliyatini "Bavariya"da yakunlashi mumkinligiga ham shama qildi.

"Faoliyatimni "Baariya"da yakunlashim mumkin. Men o'zimni bu erda juda erkin his qilyapman. Myunxendagi barcha narsa meni qoniqtirmoqda. SHu sabadan ham faoliyatimni boshqa erda tugataman, deyishim qiyin. "Bavariya"da o'zimni xuddi uydagidek his qilaman", - deydi Arturo Vidal.

Ko'rinishidan Vidal Karlo Anchelotti qo'l ostida ushbu mavsumda trebl qayd etishlariga ishonmoqda. Har xolda o'tgan yili Vidal bu kabi katta gapirib, vadalarni bermagandi. Anchelotti ham Evropa chempionlar ligasida zafar quyishlariga ishonishini aytib o'tgandi. Germaniya chempionati va Germaniya kubogida "Bavariya" yaqqol favorit sanaladi.

"Bavariya"ning ishtahasi karnay, muxlislari esa surnay chalishga taraddud ko'rishmoqda, shekilli...

Nima ham derdik "yaxshi niyat, yarim mol", deydiku...

Eslatib o'tamiz, Arturo Vidal 2015 yilda "Bavariya" safiga kelib qo'shilgandi. Futbolchining "Bavariya" bilan tuzgan shartnomasi 2019 yilga qadar mo'ljallangan.

CHili terma jamoasi futbolchisi ushbu mavsumda "Bavariya" tarkibida 18ta uchrashuvda maydonga tushdi va bir marotaba gol kiritdi. Futbolchi o'tkazilgan 18 o'yindan to'rttasida ogohlantirish olgan.