Artur "Yuventus"dan "Fiorentina"ga o'tdi – shartlar malum

Nufuzli insayder Fabricio Romanoning ijtimoiy tarmoqlarda xabar berishicha, "binafshalar" braziliyalikni 3-4 million evro evaziga ijaraga olishadi. A Seriya klublari o'rtasidagi kelishuv 20 mln evroga sotib olish variantini o'z ichiga oladi.

Avgust oyida 27 yoshga to'ladigan Artur Melo juma kuni tibbiy ko'rikdan o'tishi kerak. Hech qanday muammo aniqlanmasa, transfer tugallanadi.

Eslatib o'tamiz, Artur 2022/2023 yilgi mavsumda vaqtinchalik "Liverpul" sharafini himoya qilgan. Biroq braziliyalik futbolchi Premer-liga top-klubida deyarli o'ynamadi.