"Arsenal" Vlaxovich uchun 55 mln evro va Torreyrani taklif qildi

London klubi forvard uchun 55+15 mln evro taklif qildi. "Kanonirlar" 55 mln evro to'lashga tayyor, klub "Fiorentina"ga yarim himoyachi Lukas Torreyra berishga va shu bilan 15 mln evrolik tovon pulini qoplashga tayyor.

Eslatib o'tamiz, urugvaylik italyan jamoasida ijara asosida o'ynaydi, bitimda o'yinchini 15 mln evroga xarid qilish borasida band bor.

"Fiorentina"ning Vlaxovichni yanvarda qo'yib yubormasligi aniq, ammo "Arsenal" italyan klubi bilan yozdagi transfer bo'yicha hozirdanoq kelishishni xohlamoqda.

Serbiyalik forvard joriy mavsum "Fiorentina" tarkibida barcha musobaqalarda 22ta o'yinda maydonga tushib, 18ta gol va 2ta assist qayd etdi.