"Arsenal" futbolchisi Markinos "Norvich"ga ijaraga o'tadi

Braziliyalik yosh futbolchi Mikel Arteta boshchiligidagi jamoani tark etib, yanvar oyidagi transferlar oynasining so'nggi ikki kunida "Norvich" safiga borib qo'shiladi. "To'pchilar" rahbariyati futbolchini mavsumning qolgan qismini boshqa jamoada o'tkazishini afzal ko'rmoqda.

19 yoshli vinger yoki hujumchi 2023 yil yoziga qadar tuziladigan shartnomaga imzo chekishdan avval tibbiy ko'rikdan o'tkaziladi. Braziliyalik hujumchi hozirda jamoada muntazam o'ynamayapti va bu yaqin oylarda ham o'zgarmaydi. 2022 yilning noyabrida jamoadoshi Gabriel Martinelli tomonidan teledasturlarning birida "katta istedod egasi" deya tariflangan futbolchining "Arsenal" zaxira o'rindiqlarini isitishi yoki yoshlar jamoasida o'ynashidan hech qanday naf yo'q. U "Norvich"ga o'tish orqali juda raqobatli muhitga tushadi va Premer-ligaga chiqishga intilayotgan klubga yordam berishi to'g'riroq bo'ladi. CHempionshipda o'ynash xarakterni shakllantiradi. 

Markinos "Norvich"da o'ynash orqali yanada yaxshiroq o'yinchiga aylanishi va Angliyada muvaffaqiyat qozonish uchun nimalar kerakligini tushunib olishi mumkin bo'ladi.