Arsen Venger: Bunday o'yindan so'ng musobaqadan chiqib ketish alam qiladi

“O'yin shiddatli ruhda o'tdi, bor kuchimizni berdik. “Atletiko”ni esa tabriklayman. Menimcha, Evropa Ligasini aynan ular yutadi. Biz hujumlarni yakunlay olmadik. Agar ikkita o'yindagi xavfli vaziyatlarni hisoblab chiqsa, tushkunlikka tushishimizga etarlicha asos bor. Hammasini birinchi o'yinda hal qilish lozim edi. “Atletiko” yaxshi himoyalandi. Godin 5-6 goldan saqlab qoldi. Bunday o'yindan keyin musobaqadan chiqib ketish alamli. Juda xafaman va noroziman. Endi jamoa rahbarlari kelasi mavsumda nima qilishini o'ylashi kerak. Koselnini jarohati og'irga o'xshab ko'rindi. Lekin mo'jiza yuz berishini kutamiz. Menimcha, u paylarini cho'zib oldi. Lekin shifokor emasman. Futbol bazida shavqatsiz bo'ladi, bazida esa xursand qiladi”, — dedi Arsen Venger.