Argentina futzal terma jamoasi bosh murabbiyi: "Biz turnirda nafaqat o'zimiz, balki Jahon chempionatida to'p tepishni orzu qiladigan barcha bolakay, havaskor va mahalliy futzalchi uchun o'ynaymiz"

Unda Argentina futzal terma jamoasi bosh murabbiyi Matias Lukuiks va terma jamoa futzalchisi Pablo Taborda qatnashdi.

"Franciya juda kuchli jamoa hisoblanadi. Debyut ishtirokidayoq yarim finalga etib kelishi bu jamoaning ishtiyoqi bizdagi kabi yuqori ekanligidan dalolat beradi. 

Biz turnirda nafaqat o'zimiz, balki Jahon chempionatida to'p tepishni orzu qiladigan barcha bolakay, havaskor va mahalliy futzalchi uchun o'ynaymiz. 

Oldinda juda muhim o'yin kutib turibdi. Masuliyatni his qilib turibmiz. G'alaba qozonish uchun jasoratni yo'qotmasdan, o'z o'yinimizni namoyish etishimiz darkor. 

Franciyada biz kabi bosimning yo'qligi biz uchun ko'proq xavf tug'diradi. Hozirga qadar oldimizga qo'ygan vazifalarni uddaladik. Ushbu bosqichda ham g'alaba qozonishimizga ishonaman", – dedi Matias Lukuiks.

"O'ylashimcha, guruh bosqichida eng yaxshi o'yinimizni ko'rsata olmadik. Biz barcha bilgan va kutgan Argentina emas edik. Darvozamizdan bir nechta gol o'tkazib yubordik. Guruh bosqichidan so'ng xatolarni muhokama qildik, mashg'ulotlarda buni tuzatish borasida ishladik, murabbiyning bizdan talab qilayotgan jihatlariga ko'proq etibor qaratdik. Bu esa chorak finalda o'z isbotini topdi. 

O'yin oldidan jamoaviy birga bo'lamiz, mate ichamiz, musiqa tinglaymiz, karta o'ynaymiz. Bunday odatlarni yaxshi ko'ramiz. 

Biz o'zimizga ishonamiz. Murabbiylar shtabi ko'rsatmalarini bajarishga harakat qilamiz va bu yarim finalda ham ish beradi degan umiddaman", – dedi Pablo Taborda.