Arabnews.com: "O'zbeklarda salohiyat bor, lekin..."

Sayt xodimlari maqolada "Al Hilol"ning guruhda qolib ketganiga alohida to'xtalib, bunga asosiy sabab sifatida Omar Xrbinning jarohat olib maydonga tushmaganini ko'rsatishgan.

SHuningdek, maqolada "Al Ayn" etakchisi Omar Abdulrahmon alohida maqtab ketilgan. "Omarning o'yini qovushmasa, bilingki bu "Al Ayn" natija ko'rsata olmaydi deganidir", deyiladi maqolada.  

Maqola oxirida arabnews.com o'zbek jamoalari haqida ham fikr yuritgan. Jumladan sayt shunday yozadi:

"O'zbeklar yana xafa. Markaziy Osiyoda futboli eng rivojlangan mamlakat bu - O'zbekiston. Biroq nimagadir o'zbek klublari OCHLda qatorasiga ikki yilki o'zlarini ko'rsata olmayapti. Xoh klublar, xoh terma jamoa miqyosida O'zbekiston osonlikcha taslim bo'lmaydi. Ularda salohiyat bor, lekin doim nimadir etishmaydi. Masalan, milliy terma jamoa bir qadam qolganda Jahon chempionatiga chiqa olmadi. Klublari ham shunday: marraga bir qadam qolganida imkoniyatni boy berib qo'yishadi".