APLning ikki jamoasi "Leypcig" hujumchisiga davogar

"Leypcig" hujumchisi Benyamin SHeshko "CHelsi" va "Manchester Yunayted" qiziqishlari doirasida. Bu haqda jurnalist Ben Jeykobs xabar bermoqda.

Manbaga ko'ra, futbolchining ingliz klublaridan biriga o'tish ehtimoli yuqori. Futbolchining tovon puli 50 million evroni tashkil qiladi. Sloveniyalik futbolchiga "Arsenal" ham qiziqish bildirmoqda, biroq "kanonirlar"da hujumni kuchaytirish uchun boshqa nomzodlar borligi xabar qilingandi.

SHeshko "Leypcig"da o'zining ilk mavsumini o'tkazmoqda. 20 yoshli forvard ushbu mavsum barcha musobaqalarda 37 ta o'yinda qatnashib, 13 ta gol urdi va 2 ta golga assistentlik qildi.