APL. Zerikarli o'tgan Manchester derbisida g'olib aniqlanmadi
13 dek 2020 00:20
Yangiliklar
APL. Zerikarli o'tgan Manchester derbisida g'olib aniqlanmadi
"Manchester Yunayted" – "Manchester Siti" 0:0
22.30, "Old Trafford"
"Manchester Yunayted" – De Xea, Maguayr, Uan-Bissaka, Lindelef, SHou, Brunu Fernandesh, Fred, Pogba, Maktomini, Reshford, Grinvud (Marsyal, 74).
"Manchester Siti" – Ederson, Stounz, Ruben Diash, Joau Kanselu, Uoker, de Bryuyne, Rodri, Sterling, Fernandino, Marez (Ferran Torres, 66), Gabriel Jezus.
Manchester United |
Premier League . 12-tur 12/12/2020, 21:30 0
:
0
Tugadi
|
Manchester City |
Stadion: Old Trafford, 0 tomoshabin
Bosh hakam: Chris Kavanagh
Nihoyat, o'yin tugadi. Manchester derbisi nomiga munosib o'tmadi...
90+2. Kevin de Bryuynening zarbasi noaniq ketdi.
90. ZARBAAAAAAA!! Brununing kuchli zarbasi biroz noaniq ketdi!
88. Brununing zarbasini Ederson ushlab oldi.
86. Erta-indin ko'chaga chiqsak, eslashga arziydigan o'yin bo'lmadi.
83. Rahim Sterling raqib jarima maydonchasi ichida bahaybat Maguayr tomonidan yiqitildi. Bu erda penaltiga tortadigan vaziyat yo'q edi.
79. Maguayr o'z jarima maydonchasi yonida Jezusni "yiqitdi. Takroriy lavhada hech nima bo'lmaganini ko'rdik. Maguayr sariq oldi.
76. O'yin tempi hech ko'tarilmadi-da. Vaziyatlar juda kam. Ikki tomon ham extiyotkorlikni maqul ko'rmoqda.
72. "Siti" hali ham bosimni davom ettirmoqda. "Yunayted" esa hujumlarni qaytarishda qiynalmayapti.
68. ZARBAAAAA!!! Jezus to'pni De Bryuynega oshirdi. Kevinning zarbasini Maguayr qaytardi. "Siti"ning bosimi davom etadi.
66. Sokin o'tayotgan o'yinni Torres zaxiradan tushib, biroz buzib qo'ydi.
60. Fernandinoning zarbasi noaniq ketdi.
54. Pogba Reshfordga chiroyli pas bergandi. Lekin Markus vaziyatdan foydalana olmadi.
52. Grinvud o'ziga o'zi vaziyat yaratdi, biroq undan foydalana olmadi.
49. Ha, offsayd bor ekan. qaytamiz.
48. PENALTII!! VAR orqali ko'rish kerak. Reshford offsaydda qolib ketgan bo'lishi mumkin.
46. Ikkinchi bo'lim boshlandi.
TANAFFUS!
45. Zerikarli o'tgan birinchi bo'limga 1 daqiqa qo'shib berildi.
40. MYUda ham vaziyat. Brununing burchakdan oshirgan to'piga Lindelof boshi bilan noaniq zarba berdi.
35. DE XEAAAAAAAA!! O'yindagi ilk golga tortadigan vaziyat! KDB chiroyli pasi orqali Maxrezni gol urish uchun ideal vaziyatga chiqarib berdi. Zarbani De Xea qaytardi!
33. "Siti" hujum uyushtirdi. Birinchisini Lindelof qaytargan bo'lsa, ikkinchi tempdagi hujumni Fred to'xtatdi.
31. ZARBAAAA!! Burchakdan oshirilgan to'pga Maguayr boshi bilan noaniq zarba berdi.
30. EXXXX!! Pogba ajoyib vaziyatni ko'kka sovurdi. Raqibining pasi sekin borganidan Fernandesh foydalanib qoldi va to'pni Reshfordga oshirdi. Markus esa Pogbani to'p bilan taminladi. Polning zarbasi anchagina noaniq ketdi.
26. ZARBAAAAAAA!!! Maxrezning ajoyib pasidan keyin Jezus yaqin masofadan MYU darvozasini aniq nishonga ola bilmadi.
24. Yo'q, Brununing jarimadan tepgan to'pi jonli devorga tegib, burchakka chiqib ketdi.
22. Rodri o'z jarima maydonchasi yonida Pogbani yiqitdi. Nuqta gol urish uchun ideal.
21. ZARBAAAAA!!! Rahim Sterling MYU jarima maydonchasi ichida ikki raqibidan o'tib ketdi va zarba berdi. MYUni goldan Maguayr qutqarib qoldi.
18. Lindelof to'pni Brunuga oshirgandi. Fernandesh to'pni erga tushirmasdan darvozaga tepishga harakat qildi. Zarba o'xshamadi.
15. Fred qaytdi. MYU yo'qotishlarsiz o'yinni davom ettiradi.
14. Fredning jarohati jiddiy ko'rinadi. O'yin to'xtatildi, MYUning "motori"ga tibbiy yordam ko'rsatilmoqda. Matich esa mashg'ulotlarni boshlab yubordi.
11. XAVFLI VAZIYATTTT!!! Burchakdan oshirilgan to'p bir necha futbolchilarning yonidan o'tib ketdi. Maktomini bo'sh qolgan darvozaga to'pni kirita olmadi.
11. UXXXX!! Pogbaning chiroyli pasidan keyin Brunu to'pni markazga oshirmoqchi edi. Stounz xavfni bartaraf etdi.
7. De Bryuyne ajoyib pasi orqali Sterlingni qulay vaziyatga chiqarib borgandi. Rahim to'pni to'xtata olmadi.
5. Fred jarohat olgan ko'rinadi. Yo'q, menimcha u o'yinni davom ettira oladi.
3. Maguayr to'pni hujumdagi SHouga uzatgandi. Lyuk offsaydda qolib ketdi.
1. Demak, uchrashuv boshlandi!!!
- Orzular teatriga ikki jamoa futbolchilari chiqib kelishdi. Hamma narsa chiroyli (sardorlik bog'ichidan tashqari).
- Assalomu alaykum, hurmatli futbol ishqibozlari! Bugun "Manchester Siti" "Old Trafford"da mehmon bo'ladi. Bugun ikki klub Manchester shahri uchun kurashadi. O'yin yakunida esa #ManchesterisBlue yoki #ManchesterisRed bo'ladi. Sizlar bilan o'yinni Mirjalol Normatov kuzatib boradi.
Fikrlar