APL. Liverpul navbatdagi uch ochkosini qo'lga kiritdi
05 iyu 2020 22:27
Yangiliklar

APL. Liverpul navbatdagi uch ochkosini qo'lga kiritdi

Angliya chempionati 33-turi doirasida Liverpul Aston Villani qabul qildi.

YANGILASH

«Liverpul» – «Aston Villa» 2:0
20.30, «Enfild»
Gollar: 1:0 – 71 Mane, 2:0 - 89 Jons
«Liverpul» – Alisson, van Deyk, Robertson (Uilyams 90+3), Aleksander-Arnold, Gomes, Fabino (Xenderson, 61), Keyta (Jons, 85), Oksleyd-CHemberlen (Veynaldum, 61), Mane, Salax, Origi (Firmino, 60).
«Aston Villa» – Reyna, Mingz, Teylor, Konsa, Xoz, Duglas Luis, Grilish, El-Gazi (Xota, 74), Makginn, Trezege (Vasilev, 85), Devis (Samatta, 74).
Ogohlantirishlar: Robertson (21), Makginn (36).

Bo'ldi, shu pallada o'yin yakunlandi. "Liverpul" qiyin g'alabani qo'lga kiritdi va navbatdagi muhim uch ochkoga ega bo'ldi.

90+3. Navbatdagi o'zgarish. Uilyams Robertsonning o'rniga maydonga tushdi.

Hakam ikkinchi bo'limga 5 daqiqa qo'shib berdi

89. GOOOOOOOL. Kertis Jons uchrashuvda harakat qilayotganiga kop vaqt bo'lganiga qaramasdan, raqib darvozasini ishg'ol etmoqda. Hisob 2- 0

86. Hozirgina maydonga tushgan Jons uchrashuvdagi ilk zarbasini yo'lladi, biroz noaniq.

84. Mezbonlar safida navbatdagi o'zgarish: Keyta o'z o'rinini Jonsga bo'shatib berdi.

83. Mehmonlar yana bitta xavfli hujum tashkil etishdi, biroq «Liverpul» himoyachilari to'pni maydon chetiga chiqarib yuborishdi, yana bitta burchak zarbasi.

81. Mehmonlar jarima zarbasi ishlab olishdi. Grilish tomonidan uzatilgan to'pga birinchi bo'lib mezbonlar himoyachisi Van Deyk etib keldi va xavfni bartaraf etdi.

76. Firmino. Jarima maydonchaning yonidan aniq va kuchli zarba yo'lladi, Reyna o'z o'rnida.

74. Din Smit uchrashuvdagi holatni o'zgartirish maqsadida maydonga yangi kuchlarni tashlamoqda. Devis va El-Gazi maydondan olindi va ularning o'rnilariga Samatta va Yota maydonga tashlandi.

Keyta qanotdan uzatma amalga oshirdi va Mane bitta harakat bilan raqib darvozasini aniq nishonga oldi.

71. GOOOOOOOOOOOOOOOOOOOOOOOOOOOOL. Mane hisobni ochmoqda.

68. Uchrashuv hakami jamoalarga suv ichib olishlariga imkon bermoqda.

61. Kloppga uchrashuv yoqmagan ko'rinadi. «Liverpul» bosh murabbiyi bir yo'lla uchta o'zgarish amalga oshirdi. Maydonni Fabino, Origi va Oksleyd-CHemberlen tark etishdi, ularning o'rnilariga Xenderson, Firmino va Viynaldum maydonga tushishdi.

59. Mezbonlar navbatdagi burchak zarbasini amalga oshirishmoqda, hozircha barchasi omadsiz kechmoqda.

56. «Liverpul» jamoasi ikkinchi bo'limdagi ilk hujumini amalga oshirdi. Qanotdan Oksleyd-CHemberlen tomonidan uzatilgan to'pni mehmonlar darvozaboni Reyna ushlab olishga erishdi.

53. Ikkinchi bo'limda «Aston Villa» jamoasi juda yaxshi harakat qilishmoqda. Bu safar burchakdan uzatilgan zarbani «Liverpul» himoyachilari qiyinchilik bilan qaytarishga erishdi.

52. El-Gazi. «Aston Villa» qarshi hujumda raqibni jazolashi mumkin edi, lekin hozircha mezbonlar darvozaboni ishonchi harakat qilmoqda.

51. ZAAAARBAAAAA. Mehmonlar sardori Grilish kuchli zarba yo'lladi, Alisondan super seyf. Biroq hakam ofsayd qayd etmoqda.

Uchrashuvning ikkinchi bo'limi boshlandi

Jamoalar tanaffusga chiqib ketishmoqda. Hozircha hisob 0 - 0

Hakam uchrashuvning birinchi bo'limiga 3 daqiqa qo'shib berdi.

45. Yana bir juda ham noaniq zarba. Bu safar mehmonlar yarim himoyachisi MakGinn omadini sinab ko'rdi.

43. Navbatdagi burchak zarbasi. «Liverpul» taym yakunida ancha faollashdi, ammo hozircha barcha urinishlar omadsiz kechmoqda.

40. Mehmonlar hujumchisi El-Gazi tomonidan yo'llangan zarbani «Liverpul» darvozaboni ushlab oldi.

38. Mezbonlarning darvozaga yo'llagan ilk zarbasiga 38 daqiqa kerak bo'ldi. Salah jarima maydonchasi ichidan yo'llagan zarbasi noaniq ketmoqda.

36. Sariq kartocha. MakGinn Oksleyd-CHemberlenga ishlatgan qo'polligi uchun ogohlantirildi. Ogohlantirishlar bo'yicha hisob 1 -1.

35. Uchrashuvning 35 daqiqasi yakuniga etdi, hozircha mezbonlar bir marta ham Reyna darvozasiga zarba yo'llashmadi. Bunday holat Klopp jamoasida anchadan beri kuzatilmagan bo'lsa kerak.

32. ZAAAARBAAAA. Mehmonlar ilk aniq zarbani yo'llashga muvaffaqt bo'lishdi, hozircha Alison o'z o'rnida.

28. «Liverpul» ikkinchi marta burchak zarbasi tepishga ega bo'ldi, lekin yana zarba YO'Q!

23. Hakam jamoalarga biroz tomoq ho'llab olishga imkon bermoqda.

21. Nihoyat. Uchrashuvda ilk zarba amalga oshirildi. Jarimadan uzatilgan zarbani mehmonlar hujumchisi boshi bilan noaniq yo'lladi.

20. Ilk ogohlantirish. Mezbonlarning qanot himoyachisi Robertson raqibiga qo'pollik ishlatdi va hakam tomonidan ogohlantirildi.

19. Uchrashuvning 19-daqiqasiga kelib mezbonlar ilk burchak zarbasiga ega bo'lishdi. Lekin imkoniyatdan «Liverpul» foydalana olmadi

13. Yo'q! Hozircha barchasi joyida Grilish maydonga qaytmoqda.

12. Ana xolos. Mehmonlar sardori Grilish jarohat olganga o'xshaydi. Agar u zaxiraga olinsa, «Aston Villa»ning imkoniyatlari yanada kamayib ketadi.

10. Jamoalar juda ham passiv harakat qilishmoqda

4. SALAAAAAAAX. Misrlik futbolchi raqib jarima maydonchasida bir necha futbolchisini aldashga harakat qildi, ammo hozircha mehmonlar himoyasi o'z o'rnida.

2. Uchrashuvdagi ilk burchak zarbasini mehmonlar amalga oshirishdi, «Liverpul» himoyachilari qiyinchiliksiz hujumni bartaraf etishdi

Uchrashuv boshlandi

Jamoalar yashil maydonga chiqib kelishmoqda

Saytimizda uchrashuvni matnli translyaciya orqali kuzatib borishingiz mumkin bo'ladi.

Har ikki jamoa uchrashuvdan avval chigal yozdi mashg'ulotlarini olib borishmoqda.