APL. De Bryuyne - mavsumning eng yaxshi futbolchisi
16 avg 2020 16:07
Yangiliklar

APL. De Bryuyne - mavsumning eng yaxshi futbolchisi

"Manchester Siti" yarim himoyachisi Kevin de Bryuyne Angliya chempionati 2019/20 yilgi mavsumining eng yaxshi o'yinchisi deb topildi.

Belgiyalik futbolchi ovoz berish jarayonida darvozabon Nik Poup ("Byornli"), himoyachi Trent Aleksander-Arnold ("Liverpul"), yarim himoyachilar Jordan Xenderson, Sado Mane (har ikkisi – "Liverpul"), hujumchilar Denni Ingz ("Sautgempton") va Jeymi Vardini ("Lester") ortda qoldirdi.

Mavsum davomida 35 o'yin o'tkazgan de Bryuyne 13 gol va 20 ta golli uzatmani amalga oshirdi. SHuningdek, yarim himoyachi yakuniga etgan mavsumda assistlar soni bo'yicha "Arsenal"ning sobiq forvardi Terri Anri tomonidan APL-2002/03da o'rnatilgan rekordni ham takrorladi.

Avvalroq "Liverpul" ustozi Yurgen Klopp mavsumning eng yaxshi murabbiyi, "qizillar" himoyachisi Trent Aleksander-Arnold esa eng yaxshi yosh o'yinchi deb topilgan edi.

Mavsumning eng yaxshi futbolchisini aniqlashda muxlislar, 20 klubning sardorlari va futbol ekspertlarining ovozlari inobatga olingan.

Havola :

Manba : Sky Sports

Yangiliklarni Telegramda o'qing!

Reyting: +7