Anvarjon G'ofurov: "Neftchi"dan sobiq bosh murabbiy tufayli ketgandim"

SHu bois "Neftchi" klubi matbuot xizmati futbolchi bilan suhbatlashdi.

- Anvarjon avvalambor “Neftchi” safiga qaytganingiz bilan tabriklayman. Klubga qaytishingizga nima turtki berdi?
- Assalomu alaykum! Jonajon jamoamga qaytganimdan juda ham xursandman, kelishim boisi klubga bo'lgan mehrim va jamoamiz bilan yangi mavsumda medallar uchun kurashish deb hisoblayman. Bundan tashqari jamoamiz safida tajribali futbolchilar yig'ilgan.

- O'tgan mavsum "Neftchi"ni birinchi davra tugagach tark etgansiz, bunga sabab nima bo'lgan edi?
- Yaxshi savol berdingiz, o'tgan mavsumda aslida “Neftchi”ni tark etish niyatim yo'q edi, bu borada o'zimga ham muxlislar ko'p savol berishgan. To'g'risini aytaman ketishimga sabab o'sha paytdagi murabbiy bilan oramizda ozgina kelishmovchilik bo'lgan edi va jamoani tark etishimga to'g'ri kelgan.

- “Neftchi” safida o'ynamagan bo'lsangiz ham baribir jamoamizga befarq emassiz, o'tgan mavsum davralar oralig'idagi murabbiylar o'zgarishi jamoaga qanday tasir qildi deb o'ylaysiz?
- Murabbiylar shtabi o'zgarishi bilan “Neftchi”da ijobiy o'zgarishlarni hamma ko'rdi, Vitaliy Grigorevich Evropa futboli taktikalarini qo'laydigan mutaxassis xisoblanadi, uning jamoaga kelishi o'z samarasini berdi va klub Superligada qoldi. Umuman olganda bosh murabbiy taktikalari mening o'yin amaliyotimga mos keladi, xudo xohlasa yangi mavsumda medallar uchun kurashamiz.

- Yangi mavsumga muxlislar uchun tilaklaringiz?
- Muxlislarimizga yangi mavsumda “Istiqlol” stadionga kelib qo'llab-quvvatlab turishsa, biz jonimizni berib maydonda ular uchun o'ynab, mavsum yakunida ularni medallar bilan xushnud etishga harakat qilamiz. Kirib kelayotgan yangi yilda barchaga sog'lik salomatlik oilaviy baxt, omad tilab qolaman!