Anvar Rahimov hozir qaerda?

 Rahimovning so'nggi jamoasi "Neftchi" klubi bo'ldi.  SHundan so'ng u nima ishlar bilan shug'ullanayotgani borasida deyarli malumotlar yo'q. Yaqinda Anvar Rahimov  bilan suhbatlashib,  bugungi kunda nimalar bilan band ekanligini so'radik. 

- 2017 yilda Farg'onaning “Neftchi” jamoasida tugatdim. Oradan bir yil o'tib esa murabbiylik faoliyatimni boshladim. Bugungi kunda CHig'atoy futbol maktabida ishlamoqdaman. 2007 yilda tug'ilgan bolalar bilan shug'ullanmoqdaman. 

Futbolchilik faoliyatimni erta yakunlashimga jarohatlar sabab bo'ldi. Jarohatlar olaverganimdan so'ng butsalarimni mixga ilish vaqti kelganini anglab etdim. Jahon futbolida katta-katta yulduzlar ham jarohatlar sabab faoliyatini erta tugatishgan. 

Faoliyatimdan qoniqish hosil qildimi? O'ynagan klublarim bilan mamlakat chempioni, kubogida g'olib chiqdim. Xalqaro musobaqalarda to'p surish imkoni bo'ldi. Terma jamoamiz bilan mundialda to'p surish orzusi amalga oshmagani kayfiyatni buzadi. Boshqa tomondan olib qaralsa, faoliyatimdan qoniqish hosil qildim. 

Kelajakda albatta Superliga klubida ishlashni rejalashtirganman. Bolalar futbolida tajribamni oshirib bormoqdaman. Futbolda erisha olmaganlarimga murabbiylikda erishmoqchiman.