Anvar Berdiev: "Ochig'i Abduraimovdan bunday harakatni kutmagandim, u bilan shartnomani bekor qildik"
08 apr 21:35
Yangiliklar
Anvar Berdiev: "Ochig'i Abduraimovdan bunday harakatni kutmagandim, u bilan shartnomani bekor qildik"
O'yin haqida
- O'zbekiston ahlini kirib kelayotgan Ramazon hayiti bayrami bilan tabriklayman. SHunaqa o'yin bo'lishini kutgandik. "Aral" jamoasi oxirigacha kurashuvchan jamoa. Ko'p vaziyatlardan foydalana olmadik. Qimmatli 2 ochkoni boy berdik.
- Bugungi ochko yo'qotilishi omadga bog'liqmi yoki vaziyatlardan foydalana olmaslik bilanmi?
- Hammavaqt omad bilan bog'lash ham to'g'ri bo'lmaydi. Omad kuchlilar tomonida bo'ladi. Vaziyatga shay turish kerak.
- Bugun har ikki jamoa darvozasiga ham o'ng qanotdan tashkil etilgan hujumlar gol bilan yakunlandi. "SHo'rtan"da qanotlar qanday ishladi?
- Yigitlar imkoniyat boricha harakat qilishdi. Lekin xatolar ham uchrab turdi. Futbol 90 daqiqa bo'lsa, gollar soniyalar ichida kiritiladi. O'yindan kelib chiqqan vaziyatlar bo'ldi.
- Jasur Xolto'raevni zaxiraga olinishi sabablari haqida...
- Xolto'raev har ikki bo'limda ham harakat qildi, ter to'kdi. Hujumchi maydonni golsiz tark etishni istamaydi. Bilasizlar, u bizga Superligadan kelib qo'shilgan. Undagi holatni tushundim. Boshqa hujumchilarga ham imkoniyat berishimiz kerak.
- Tabloda 88-daqiqa ketayotgan vaqtda bosh hakam o'yinga 5 daqiqa qo'shib berishdi. Siz bu borada etiroz bildirgandek ko'rindingiz...
- Yo'q, tablodagi vaqtdan kelib chiqib zaxira hakamiga savol berdim. Aytishicha, tablodagi vaqt bilan hakamlar o'yinni boshlagan vaqtda farq yuzaga kelgan. Tabloni ertaroq yoqib qo'yishgan. Bu o'yinga tasir ko'rsatgan deb hisoblamayman.
- Darvozabon SHerzod Abduraimovning harakati yuzasidan chora ko'rilishini aytgandingiz. Bu jarayon qanday kechayapti?
- Ochig'i Abduraimovdan bunday harakatni kutmagandim. U tarbiyali yigit edi. Tushunarsiz vaziyat bo'ldi. Buni oqlamoqchi emasmiz. SHundan kelib chiqib u bilan shartnomani bekor qildik.
Fikrlar
Afsuski osongina futbolchi bilan shartnomani buzib quya qolishdi !
UFA ga Kechirim Hati Qilib Oldini Olib Shtrafini to'lab futbolchiga paddeshka kerak bo'ladigan vaqtda osongina voz kechish yo'lini tanlab qo'ya qolishadi !
Igvainning usha mashhur interyuvsi bor : Futbolchi pivami bir shisha idishga o'xshaydi foydalanilgandan keyin tashlab yuborishadi ! Qay holatda qanday farqi yoq !
Afsuski jamoa unday bo'lmaydi !
Distiplina 1-orinda to'g'ri ! Lekn futbolchini ham tushunish kerak emotsya yutqazyapti , to'g'ri proff futbolchi bunday qilmaydi lekn Shortan tarafini olsa bo'ladiku ! Onasini so'kkan bo'lishi mumkn buni hechkim bilmaydi !
Jamoa deganning ma'nosi mohiyati bor ! Hamma bir biro uchun turib berishi kerak edi !
Shaxsiy fikrim )