Anvar Berdiev: "Futbolchi har qanday vaziyatda ham o'zini tuta bilishi kerak"

O'yin haqida

- O'zbekiston ahlini "Xotira va qadrlash kuni" bilan tabriklayman. O'yinni ko'rdinglar, "Qo'qon-1912" jamoasi bejizga jadvalda etakchi emasligini isbotladi. Butun uchrashuv davomida kuchli bosimga duch keldik. Yigitlar iroda ko'rsatishdi, o'tgan o'yinlarda boy berilgan ochkolar uchun ham bugun yutishimiz zarur edi.

- "Olimpik MobiUz" bilan o'yinda futbolchilarga etiroz qilgansiz. Bugungi holat qanday bo'ldi?

- Har bir o'yin ortda qolganidan so'ng tarix. "Olimpik MobiUz"ga qarshi o'yinda yo'l qo'yilgan xatoliklar boshqa qaytarilmasligi uchun ishlaymiz. Bugungi uchrashuvda futbolchilar o'zlariga berilgan ko'rsatmalarni alo darajada uddalashdi. Fursatdan foydalanib bizga ishonch bildirayotgan muxlislarga va jamoamiz rahbariyatiga minnatdorchilik bildiraman.

- Jasur O'rinovga ko'rsatilgan qizil kartochka haqida fikringiz?

- Futbolchi bu kabi vaziyatlarda har doim o'zini tuta bilishi kerak. Qizil kartochka berildimi, demak etarlicha asos bor. Jasur O'rinov bilan bu borada alohida suhbatlashib olamiz.