Anvar Berdiev: "Bugun jamoamiz o'ziga o'xshamadi"

O'yin haqida

- "Aral" jamoasini bir ochko bilan tabriklayman. Bugun negadir jamoamiz o'ziga o'xshamadi. Futbolchi raqibning kuchini hisobga olgan xolda maydonga tushishi kerak. Ikkinchi bo'lim boshida o'zgarishlar qildik. Ikkinchi bo'lim davomida ham qator o'zgarishlarni amalga oshirdik. Zaxiradan maydonga tushgan futbolchilarning ham o'yini qovushmadi.

- Jamoa bugungi bilan qo'shib hisoblaganda 25 ta to'p o'tkazib yubordi. Himoya chizig'i haqida fikringiz qanday?

- Gol o'tkazmagan o'yinlarimiz ham bo'lgan. Himoya chizig'imiz vakillari o'zlariga ortiqcha ishongan xolda raqibning kuchini hisobga olishmayapti. Himoyachi 90 daqiqa yaxshi o'ynab, 91-daqiqada gol o'tkazib yuborsa, u ayblanaveradi.

- Tarkib va taktika bo'yicha xato qildim deb o'ylaysizmi?

- Yo'q, bunday demagan bo'lardim. Birinchi bo'limda yigitlar yaxshi harakat qilishdi. Ikkinchi bo'limda "Aral" jamoasi darvozamizga bir marta yaqinlashdi va gol urib ketdi.