Antonio Konte: "Jozening qulog'imga aytgan gaplari oramizda qoladi"
24 okt 2016 00:49
Yangiliklar
![](https://championat.asia/upload/storage/225539_original.jpg)
![](/upload/storage/225539_220.jpg)
Antonio Konte: "Jozening qulog'imga aytgan gaplari oramizda qoladi"
"CHelsi" bosh murabbiyi Antonio Konte "Manchester Yunayted" ustidan qozonilgan g'alabadan so'ng matbuot anjumanida uchrashuv borasidagi fikrlari bilan o'rtoqlashdi.
- "CHelsi" ijrosidagi o'yindan ko'nglim to'ldi. Biz uchrashuvni kerakli darajada yaxshi boshladik. To'p bilan tez ishladik va golli vaziyatlar yaratishda faol o'ynadik.
Jamoam futbolchilari bu kabi yorqin futbol o'ynashga loyiq edilar. CHunki ularning mashg'ulotdagi mehnatiga o'zim guvohman. Biz o'z ustimizda ishlashdan to'xtamasligimiz lozim. CHunki yanada kuchliroq bo'lishni istaymiz.
O'ynimizni yanada kuchaytirish va shakllantirish uchun avvalo mashg'ulotlarda ter to'kmog'imiz lozim bo'ladi. Busiz iloji yo'q.
"Arsenal" va "Liverpul"ga qarshi bahslardagi muvaffaqiyatsizliklardan so'ng "Manchester Yunayted" ustidan qozonilgan g'alaba muhim ahamiyatga ega. Bu g'alaba bizning maqsadimizni ko'rsatib berish uchun xizmat qiladi. SHuningdek bu kabi g'alabalar o'z kuchimizga bo'lgan ishonchni yanada kuchaytiradi."CHelsi" endi "Vest Xem" bilan bo'ladigan bellashuvga tayyorlanmog'i kerak.
David Luizning Fellayniga nisbatan ishlatgan qo'polligi? Men u vaziyatni ko'rmadim. SHu bois bu haqida bir narsa deb fikr bildirishim qiyin. David Luiz bugun fantastik o'yin ko'rsatdi.
Muxlislardan jamoani faolroq qo'llab-quvvatlashlarini, o'yin oxirida esa olqishlashlarini so'radim. CHunki futbolchilar bunga loyiq harakat qilishdi. "Manchester Yunayted" ishqibozlari o'z jamoalarini tinimsiz olqishlab, ularga dalda bo'lib turishdi. Bizning "Manchester Yunayted"ga qarshi bahsdagi asosiy maqsadimiz o'z suyuklilarimizga chiroyli futbol orqali zavq taqdim etishni istagandik va tabiiyki g'alaba bilan ularni xursand etishni rejalashtirgandik. O'tgan mavsum jamoamiz uchun muvaffaqiyatsiz o'tgandi. SHu bois muxlislarimiz g'alabali onlarni juda sog'inib qolishgan.
Joze Mourinyuning gaplari? Uning qulog'imga aytgan gaplari oramizda qolgani maqul. CHunki men Jozeni hurmat qilaman. Mourinyu ajoyib murabbiy va uning gaplarini ommaga aytmoqchi emasman.
O’xshash yangiliklar
![AMP Logo](https://championat.asia/image/logo-amp.png)
Fikrlar