Andrey SHipilov: "Nasaf"ni tabriklayman, lekin durang adolatli natija bo'lardi"

"Yaxshi o'yin bo'ldi. Bu shaharda, bu stadionda o'ynash doim zavq bag'ishlaydi. Oxirigacha sabr qila olmadik, "Nasaf"ni g'alaba bilan tabriklayman. Lekin durang adolatli natija bo'lardi deb o'ylayman. Ular o'z o'yinlarini o'ynashdi, biz o'z vazifamizni bajardik. To'rtinchi safardagi o'yin o'tkazdik, baribir og'ir. "Nasaf"dek yaxshi jamoaga qarshi o'yin o'tkazdik", - deydi SHipilov. 

- Zohid Abdullaev so'nggi paytlarda kam maydonga tushmoqda...
- Abdullaevga ham vaqtida imkoniyat bergandik, hozir boshqa futbolchiga imkoniyat berayapmiz. Tarkibda o'zgarishlarni amalga oshirib borayapmiz. Futbolchilarni jarohatdan saqlash uchun ham tarkibda rotaciya qilayapmiz.

- O'tgan yil Qarshida "Nasaf"ni mag'lub etgandingiz. Bu yil va o'tgan yilgi o'yinni taqqoslay olasizmi?
- Oldingi yilda ham "Nasaf" yaxshi o'ynagandi. Tarkibga 88-raqamdagi legioner qo'shilgan (Marko Stanoevich). Yigitlar bir yoshga katta bo'lishdi. Jamoada yaxshi murabbiylar shtabi ishlamoqda. "Nasaf" to'g'ri yo'ldan ketmoqda.