Andrey Miklyaev: "Futbolchilarga etirozim yo'q"

- Natijadan mamnun emasman. Biroq futbolchilarga etirozim yo'q. SHunchaki vaziyatlardan foydalanish kerak edi. Raqiblar deyarli hujumchilarsiz o'ynadi, butun jamoa bilan himoyalanishdi. Barchasiga o'zimiz aybdormiz, biroq bunda kimnidir ayblash juda qiyin.

Moddiy jarimalar? To'g'risi, bu haqida sizlardan eshitmoqdaman. Internetga kirib, yangiliklarni o'qishga vaqtim bo'lmadi. Futbolchilar o'yin davomida hissiyotlarini jilovlay olishmayapti. Mana shunday o'yinlar vaqtida ko'pchilik asabiy bo'lib qoladi. Penalti bo'ldimi yoki yo'q, baribir endi gapirishdan befoyda. Biz 5 yoki 6 yaqqol golga tortadigan vaziyatlardan foydalana olmaganimiz tufayli g'alaba qozona olmadik.

Sardor Rashidovning almashtirilishi sababi juda oddiy. Biz qanotni kuchaytirishni niyat qilgandik. Bizda zaxira keng, boshqa futbolchini ham tushirishim mumkin edi. Biroq Sardor bunday qiyin uchrashuvda o'ynashga ko'nikib keta olmadi. sabab shu, aytganimdek qanotni kuchaytirishni niyat qilgandik.

Husniddin G'ofurovning o'yinlarini kuzatganmiz. U ishonchimizni asta-sekinlik bilan oqlamoqda. Tarkibimiz kuchli, bizda qanotda o'ynaydigan G'ofurov, Mirzaev, Rashidov kabi futbolchilar bor. Asosiysi bu joyda o'ynash uchun raqobat juda kuchli.

Rashidov kam harakat qilmoqda? Bu savolni uning o'ziga bering. Balkim uning jismoniy holati yaxshi emasdir. Yoki u faoliyatini boshqacharoq tarzda davom ettirishni istagandir. Bilmadim... U chempionatda ikkita gol urdi, balkim bu nimadandir dalolatdir.