Andrey Fyodorov va Kamoliddin Murzoev sentyabr oyi laureatlari
22 okt 2015 21:29
Yangiliklar

Andrey Fyodorov va Kamoliddin Murzoev sentyabr oyi laureatlari

O'zbekiston Professional futbol ligasi va “Championat.asia” hamkorligida tashkil etilgan oy laureatlarining navbatdagi g'olibi aniqlandi.

Unga ko'ra Farg'onaning “Neftchi” klubi bosh murabbiyi Andrey Fyodorov 76 ochko to'plab sentyabr oyining eng yaxshi murabbiyi deb topildi. Sentyabr oyida Andrey Fyodorov boshchiligidagi “Neftchi” klubi “So'g'diyona”, “Bunyodkor”, “Dinamo” va “Paxtakor” klublariga qarshi o'yin o'tkazib barchasida g'olib bo'ldi.

Undan keyingi o'rinni 67 ochko to'plagan “Nasaf” klubi ustozi Ro'ziqul Berdiev band etdi. Qarshiliklar kuz faslining dastlabki oyida chempionatda 4ta o'yin o'tkazib ularning 3tasida g'alabaga erishishdi.

Kuchli uchlikni “Lokomotiv” klubining sobiq bosh murabbiyi Vadim Abramov yakunlab berdi. Abramov 38 ochko to'pladi. “Temiryo'lchilar” o'tgan oyda chempionatda to'rtta o'yin o'tkazib ularning uchtasida raqibni mag'lub etdi.

Samarqandning “Dinamo” klubi hujumchisi Kamoliddin Murzoev sentyabr oyining eng yaxshi futbolchisi deb tan olindi. Sentyabr oyida “Navbahor”, “Metallurg” va “So'g'diyona”ga qarshi o'yinlarda jami 3ta gol urgan Murzoev so'rovnomada 46 ochko to'pladi.

Undan keyingi o'rinni “Buxoro” yarim himoyachisi Aziz Ibragimov band etdi. O'tgan oyda to'rtta o'yinda to'rtta gol urgan futbolchi 45 ochko jamg'ardi. Uchinchi o'rinda “Nasaf” klubi sardor Artur Gevorkyan qayd etildi. Sentyabrda 4ta o'yinda 3ta gol urgan turkmanistonlik futbolchi 43 ochko to'pladi.

Sentyabr oyi so'rovnomasi natijalari

O'rin	Murabbiy	I	II	III	IV	V	Jami
1	Andrey Fyodorov	12	4	-	-	-	76
2	Ro'ziqul Berdiev	4	11	1	-	-	67
3	Vadim Abramov	-	1	9	1	5	38
4	Jamshid Saidov	-	-	4	5	6	28
5	No'mon Hasanov	-	-	2	9	4	28

O'rin	Futbolchi	I	II	III	IV	V	Jami
1	Kamoliddin Murzoev	7	1	1	1	2	46
2	Aziz Ibragimov	5	2	-	6	-	45
3	Artur Gevorkyan	1	5	3	4	1	43
4	Evgeniy CHeremisin	1	3	3	1	1	29
5	Bahriddin Vahobov	1	1	3	2	1	23
6	Nemanya Yovanovich	-	1	3	-	2	15
7	SHaker Zuagi	-	1	1	1	3	12
8	Igor Sergeev	1	1	-	-	2	11
9	Temur Kapadze	-	1	1	-	2	9
10	Murod Bobojonov	-	-	-	1	2	4