Andrey Fyodorov: "Taktik rejalarimizni uddaladik"

- O'yindan keyin yigitlarni durang natija bilan tabrikladim. CHunki bundan avvalgi bahs juda qiyin kechgandi va bu bahsga yaxshi ruhiyat bilan etib kelish muhim edi. "Lokomotiv"dek raqiblarga qarshi yigitlar xarakter ko'rsatishi kerak edi va buni uddalay olishdi. O'yin borasida fikr bildiradigam bo'lsam, bahsga jiddiy xozirlik ko'rgandik. Tuzgan rejalar amalga oshdi. Ochig'ini aytish kerakki, bizda golga tortadigan vaziyatlar kam bo'ldi va ulardan birini golga aylantirdik. Muxlislarga ham rahmat. Ular bugun bizni yaxshi qo'llab-quvvatlashdi.

-  Nega "Neftchi" ikkinchi bo'limda bosimni kamaytirdi?
- Ochig'i biz durang uchun o'ynamadik. Faqat SHerzod Hakimovning majburiy almashtirilishidan so'ng taktik o'zgarish qilishga to'g'ri keldi va Samatovni tushirdik. SHu sababli, boshqa sxema bo'yicha o'ynadik. To'g'risi ikkinchi bo'limda bizga Murod Bobojonov va SHerzod Hakimovdek tezkor futbolchilar etishmadi.

- Mansur Saidovning goli haqida qanday fikrdasiz?
- Bu bizning taktik rejamiz bo'yicha urilgan gol edi. Haqiqatdan ham chiroyli gol kiritildi, - dedi Fyodorov.

"Neftchi" matbuot xizmati