Andrey Fyodorov: “Ochkolarni kuzda sanaymiz”
31 mar 2017 19:38
Yangiliklar
![](https://championat.asia/upload/storage/243110_original.jpg)
![](/upload/storage/243110_220.jpg)
Andrey Fyodorov: “Ochkolarni kuzda sanaymiz”
“Bugungi natija o'yinga mos bo'ldi. Qo'qon jamoasiga qarshi o'yinimiz bilan durang natijaga loyiq edik, g'alabaga emas. “Qo'qon-1912” futbolchilari jismoniy jihatdan yaxshi tayyorgarlikka ega ekanligini ko'rinib turibdi. Mag'lubiyatga asosiy sabab sifatida aytishim mumkunki, bugun shogirdlarimda sportga xos xisiyot etishmadi. Yigitlarning jismoniy holati joyida. Gap ularning o'yinga bo'lgan munosabatidadir. 2 haftada 3 ta derbida ishtirok etdik. Mazkur o'yinlardan so'ng asosiy tarkibdagi yigitlarning ayrimlari bugungi bahsga to'liq tayyor emasligi ko'rindi. Gol urganimizdan so'ng taktik o'zgarishlarni amalga oshirdik va o'yinimizda jonlanish yuzaga keldi. Biroq keyinchalik yigitlar mana tempni ushlab qola olishmadi.
- Andrey Vitalevich, “Neftchi”da tartib-intizom borasida kamchiliklar ko'zga tashlanyapti. Andijonda Muzaffarov chetlatilgan bo'lsa bugun Dilyor Irmatovda xuddi shunday vaziyat kuzatildi...
- Intizom masalasida doim yigitlar bilan ishlayman. Muzaffarov federaciya va klub tomonidan keskin jazolandi. Dilyorga kelsak uning o'yin uslubi mana shunday keskin shakllangan. Irmatov xech qachon to'g'ridan-to'g'ri kartochka oladigan vaziyatlarni yuzaga keltirmaydi. Ilk sariq kartochkasi ham raqib bilan biroz tortishgani uchun oldi xolos. To'g'ri u qiziqon futbolchilar sirasiga kiradi.
- “Neftchi” doim o'z oldiga yuqori maqsadlarni qo'ygan jamoa hisoblanadi. Biroq 4-turdan keyin jamoaning bisotidagi ochkolari atiga 2 tani tashkil etadi xolos. Keyingi turda esa qiyin o'yin kutyapti.
- Endi 4 ta o'yinda ishtirok etdik. Ochkolarni kuzda sanaymiz. Keyingi turni Buxoroda o'tkazamiz. Hozirdan navbatdagi bellashuv haqida o'ylashni boshlayman. Mening vazifam jamoani o'yinga qo'ldan kelgancha tayyorlash. Murabbiy uchrashuvda jamoasidan ko'p narsa kutadi. Lekin yashil maydondagi voqealar davomiyligi undagi ishtirokchilarga bog'liq. Maydonda murabbiy futbol o'ynamaydi. Mavsum avvalida muxlislarga yuqori natijalarni qayd etishga vada qilganmiz va shu maqsad sari doim olg'a boramiz, - dedi Fyodorov.
"Neftchi" matbuot xizmati
O’xshash yangiliklar
![AMP Logo](https://championat.asia/image/logo-amp.png)
Fikrlar