Andrey Fyodorov: “Ikkinchi davrada “Neftchi” yanada kuchayadi”

-  Qiyin uchrashuv o'tkazdik.  Bahs startidan qoniqmadim. Ochig'i, o'yinni hujumkor ruhda o'tkazishni reja qilgandik. Biroq bellashuv to'liq rejalarimiz ostida o'tmadi. Raqibni o'rganib chiqqandik. Bekobodliklar mana shunday tempi  past bahslarda raqibning etiborsizligidan ko'p marta ijobiy foydalanadi. O'yin borasida yana nima deyish mumkin? Vaziyatlar ko'p bo'lmadi. Ikkinchi bo'lim oxirida yigitlar hisobni ushlab qolish vajida biroz xayajonga berilishdi. Lekin shaxsan murabbiy sifatidan futbolchilarning bugungi o'yindan qoniqdim.

-  Qachon “Neftchi”da Anvar Berdievdek etakchi hujumchilarni ko'ramiz?
-  Berdiev singari hujumchilar nafaqat bizda, balki butun O'zbekistonda muammo bo'lmoqda. Bilsangiz, Umid Isoqovdek etakchi hujumchilar “Neftchi”da faoliyat olib borib, golni his qilishdek qobilyatiga ega edi.  Afsuski, bugungi kunda bunday hujumlar kam. Hujumchilarimiz bilan ishlayapmiz. Mashg'ulotlarda ularga muntazam tavsiyalar berib boryapmiz. Umid qilamanki, ikkinchi davradan “Neftchi” hujumchilarining o'yinlari yanada kuchayadi.

-  Ikkinchi davraga rejalar qanday? 
-  Rejalar oddiy. Ikkinchi davraga jiddiy tayyorlanamiz va har bir bahs g'alaba qozonishga harakat qilamiz. Navbatdagi davrada “Neftchi” yanada kuchayadi, - dedi Fyodorov

  “Neftchi” matbuot xizmati