Andrey Fyodorov: "Bu biz uchun kuchli ruhiy zarba bo'ldi"

"Bunday o'yinni sharhlash og'ir, nimaga deysizmi sababi ikkinchi o'yindirki katta tashabbusga ega bo'lib mag'lub bo'ldik. "So'g'diyona"dan shunday o'yin kutgandik, ammo o'tkazilgan gollarda o'zimiz xato qildik. Birinchi o'yinda bo'lgani kabi ko'p imkoniyatlar bo'ldi, ammo gol ura olmadik. "Metallurg" bilan o'yindan keyin xulosa chiqargandik va 4 kun davomida hujumlarni yakunlash ustida jiddiy ishlagandik.

Himoyada hech qachon bunday o'ynamagandik. Hozir ruhiy holat yaxshi emas, ammo tarkibimizda tajribali futbolchilar bor va bunday vaziyatdan chiqib ketishga ishonaman. Bu holatga tushib qolishimizga faqat o'zimiz aybdormiz, boshqa hech kim. Bundan chiqib ketish yo'llarini izlaymiz.

Takrorlayman bu kuchli ruhiy zarba bo'ldi. Buni tajribali futbolchilar o'zlariga olishlari kerak.

Marat Bikmaev keyingi o'yinga tayyor bo'lsa kerak. Uning yo'qligi biz uchun katta yo'qotish hisoblanadi. Aslida bugungi o'yinga tayyorlagandik, ammo tavakkal qilishga shoshilmadik.

Mavsum boshida ko'plab etakchilarning ketishi qanchalik tasir qiladi? Albatta bu juda og'ir holat. Boshqa futbolchilar bilan mavsumga tayyorgarlik ko'rasiz va ular ketib qolishsa rejalarimiz o'zgarib boraveradi. Anzur Ismoilov, Islom To'xtaxo'jaev, Sardor Mirzaev va Oleg Zoteev kabi futbolchilar klubni tark etishdi. Ammo takrorlayman oldinga intilish kerak. Afsuski hozir ularni o'rnini bosa olmaymiz, biroq ertami-kechmi o'rinbosarlar chiqishadi", - deydi Andrey Fyodorov.