Andrey Fyodorov: "Asosiysi mag'lub bo'lmadik"

- Asosiysi bugungi uchrashuvda mag'lubiyatga uchramadik. Biz bundanda yaxshiroq o'ynashimiz kerak, bunga majburmiz. Bunday raqiblar bilan bahslardagi durang - bizni qoniqtirmaydigan natija desam noto'g'ri bo'lmaydi. Birinchi bo'lib gol o'tkazib yuborayotgan o'yinlar bizda ko'p kuzatilmoqda. Unda raqiblar himoyada ko'p sonli futbolchilar bilan o'ynashmoqda. Ammo ayrim uchrashuvlarda biz natijani qo'lga kirita olyapmiz.

Bugun "Qizilqum" himoyasida futbolchilar anchagina ko'p bo'ldi. Ular o'z jarima maydonlari yaqinida tartibli o'yin ko'rsatishlari natijasida shogirdlarim ko'plab zarbalar bera olishmadi. Agarda raqiblar ochiqroq o'yin namoyish qilishsa, zarbalarimiz ham ko'proq bo'lardi.

To'xtaxo'jaevning kichik jarohati bor edi. SHu boisdan uni ertaroq almashtirdik.

Albatta, har doim yangi futbolchilarni o'z safimizga qo'shib olishga harakat qilamiz. Ular bizning darajamizdan ham kuchliroq bo'lishi kerak.

Ayni damda barcha legionerlarimiz kuchli. Nivaldo ancha o'yinlarni o'tkazib yubordi va shu sababli uning o'yinlari o'xshamayapti. CHo Suk Jani o'z uyiga ketkazib yubordik. U ham yaxshi saviyali futbolchi, biroq u begona davlat futbolini, begona tilni o'rgana olmadi. U o'z mamlakatini, yaqinlarini sog'indi va shu boisdan u rahbariyatga kelib, ketishini va o'zining o'rniga boshqa futbolchi olib kelishni aytdi.

Ikrom Aliboev: "Bugungi uchrashuv qiyin bo'ldi. "Qizilqum" biz kutgandan ham yaxshiroq o'yin namoyish qildi. Biz o'z o'yinimizni ko'rsata olmayotgan bir vaqtda ular qarshi hujumda bizni jazolashdi. Bugun mag'lubiyatga teng durangni qayd etdik.